Sciant presentes et futuri quod ego Galfridus filius Petri le Bret de Holkham concessi dedi et hac presenti carta confirmaui Iohanni filio meo primogenito pro homagio et seruicio suo mesuagium meum cum Libero introitu et exitu et cum edificiis et arboribus superstantibus et cum omnibus pertinenciis iacens in villa de Holkham cum tota terra mea sicud iacet in diuersis peciis cum tota vestura et totum ius et clamium quod habui vel habere potui in terris arabilibus in pratis mariscis viis semitis aquis molendinis ouilibus redditibus homagiis wardis releuiis et Eschaetis cum omnibus pertinenciis que mihi pertinent vel pertinere poterunt in villa et campis de Holkham sine aliquo retinemento tenend et habend de me et heredibus meis velmeis assignatis sibi et heredibus suis de corpore suo legitime procreatis libere quiete bene in pace in feodo et hereditate Cuicumque vel quandocumque predictum mesuagium et totam predictam terram cum omnibus pertinenciis dare vendere vel assignare voluerit except[] domui religionis Reddend[] inde et faciend[] inde annuatim pro me et heredibus meis dominis feodorum debita seruicia et consueta que pertinent ad predictum mesuagium et ad predictam terram cum omnibus pertinenciis Et michi annuatim in tota vita mea decem libras argenti scilicet ad festum Sancti Michaelis pro omnibus seruiciis consuetis exaccionibus sectis curie et pro omnibus secularibus demandis Et ego predictus Galfridus et heredes mei vel mei assignati warantizabimus acquietabimus et deffendemus predictum mesuagium cum tota predicta terra et cum omnibus aliis pertinenciis predicto Iohanni et heredibus suis de corpore suo legitime procreatis per predictum seruicium contra omnes imperpetuum Et si predictus Iohannes discedat sine herede de corpore suo generato[] predictum mesuagium et tota predicta terra cum omnibus aliis pertinenciis remaneat Petro fratri suo et heredibus suis Et si predictus Petrus discedat sine herede de corpore suo generato[] predictum mesuagium cum tota terra predicta cum omnibus pertinenciis remaneat Eustacio suo fratri et sic de fratre ad fratrem et heredibus suis In cuius rei testimonium huic presenti scripto sigillum meum apposui Hiis testibus Domino Iohanne Dekeny milite Fratre Rogero priore de Petriston Radulfo Hacun de Holkham Iohanne filio Ade le Bret de eadem Bartholomeo de Burgate Simone filio Hamonis Vnfrido Dauid Willelmo Crak[] Rogero Dillingg[] et multis aliis Dat[] apud Holkham die martis proxima post ascensionem domini Anno regni Regis Edwardi Duodecimo

Source Fulltext: Lordship and Landscape in Norfolk 1250-1350, the Early Records of Holkham. W. Hassal and J. Beauroy. Records of Social and Economic History, New Series 20. British Academy. Oxford University Press. Oxford. 1993.