Sciant presentes et futuri quod ego Iohannes filius Galfridi le Bret de Holkham Concessi Confirmaui et pro me et heredibus meis inperpetuum quietum Clamaui Simoni Hamund eiusdem wille et heredibus suis totum ius et Clamium meum quod habui vel aliquo modo habere potui in quatuor peciis terre cum pertinenciis iacentibus in Campis de Holkham quarum Prima pecia in se Continens Septem Rodas terre iacet apud Greyston et Secunda pecia in se Continens quatuor acras terre Iacet apud Duuspeyt et Tercia pecia in se Continens vnam acram terre Iacet apud Grenegate et Quarta pecia in se Continens tres rodas terre Iacet ad Capud orientale illius pecie terre predicte que vocatur Grenegate Quas quidem quatuor pecias terre predictas dictus Simon adquisiuit de me Infra Annos mee Etatis legitime Ita quod nec ego Iohannes nec heredes mei nec mei assignati de Cetero aliquid Iuris vel Clamij de predictis quatuor peciis terre cum pertinenciis Exigere vel vendicare poterimus Istam autem Concessionem et quietam Clamacionem feci ego Iohannes predicto Simoni et heredibus suis in seysina ipsius Simonis de toto tenemento predicto pro Triginta solidis argenti quos mihi dedit Et ego predictus Iohannes et heredes mei vel assignati warantizabimus et omnino defendemus totum tenementum predictum cum pertinenciis predicto Simoni et heredibus suis et assignatis suis Contra omnes homines inperpetuum In cuius Rei testimonium huic presenti scripto sigillum meum Apposui Dat[] apud Holkham die mercurij proxima ante festum Sancti Martini Episcopi Anno Regni Regis Eadwardi vicessimo secundo Hiis testibus Bartholomeo de Burgate Iobanne filio Ade le Bret Iohanne Sylke Willelmo Silke Martino Goldwyne Galfrido Godwyne Iohanne Aynild Willelmo Craske Gilberto le Bret Waltero Hakun Roberto le Marschall Humfrido Dauid et aliis multis

Source Fulltext: Lordship and Landscape in Norfolk 1250-1350, the Early Records of Holkham. W. Hassal and J. Beauroy. Records of Social and Economic History, New Series 20. British Academy. Oxford University Press. Oxford. 1993.