Sciant presentes et futuri quod ego Iohannes Charlys senior filius Simonis Charlys de Holkham Concessi dedi et hac presenti Carta mea Confirmaui Simoni Hamund eiusdem wille et heredibus suis pro quadam summa pecunie quam mihi dedit in gersumam vnam peciam terre mee in se continentem vnam acram et dimidiam terre iacentem in campis de Holkham in quarentena que vocatur Shladeacre inter terram meam ex parte Aquilon[] et terram quondam Radulfi Chelys ex parte australi et caput orientale abuttat super terram prioris et Conuentus de Peterston habend et tenend de Capitalibus Dominis feodi illius illi et heredibus suis Libere quiete bene et in pace Iure et hereditarie faciend[] inde Annuatim pro me et heredibus meis Capitalibus Dominis feodi illius quatuor denarios et obolum videlicet ad festum Sancti Andree vnum denarium et obolum ad Annunciacionem Beate Marie Virginis vnum denarium et obolum et ad Natiuitatem Sancti Iohannis Baptiste vnum denarium et obolum pro omnibus seruiciis Consuetudinibus exactionibus Sectis Curie et secularibus demandis Et ego predictus Iohannes et heredes mei warantizabimus predictam peciam terre predicto Simoni et heredibus suis contra omnes homines inperpetuum In Cuius Rei testimonium Huic Carte sigillum meum apposui Hiis testibus Bartholomeo de Burgate Iohanne filio Ade Le Bret Martino Goldwyne Galfrido Godwyne Willelmo Silke Willelmo Craske Ricardo Le Northerne Iohanne Aynild Waltero Hakun Gilberto Le Bret Iohanne Rutur Humfrido Dauyd et Aliis Dat[] apud Holkham die Mercurij proxima post festum Sancti Nicholai episcopi Anno regni regis Edwardi vicesimo quinto

Source Fulltext: Lordship and Landscape in Norfolk 1250-1350, the Early Records of Holkham. W. Hassal and J. Beauroy. Records of Social and Economic History, New Series 20. British Academy. Oxford University Press. Oxford. 1993.