Notum sit omnibus presens scriptum visuris vel audituris quod anno domini m cc septuagesimo ad festum sancti Benedicti abbatis ita convenit inter fratrem Simonem abbatem de Parco Stanleye et ejusdem loci conventum ex una parte et Ricardum Rachel[] de Stanl[] ex altera videlicet quod dictus Ricardus pro se et heredibus suis remisit et quietum clamavit dictis abbati et conventui et eorum successoribus in perpetuum totum jus et clamium quod habuit vel habere potuit in tota illa cultura terre que vocatur Suthwode salva sibi et heredibus suis tantum communa pasture quando dicta cultura jacet inculta et non seminata Et dicti abbas et conventus pro predicta quieta clamacione dederunt concesserunt dicto Ricardo et heredibus suis tres seliones terre in campo de Stanl[] jacentes juxta Dedemangreue inter terram Petri filii Dyonisii et terram Roberti molendinarii habend et tenend sibi et heredibus suis libere quiete bene et in pace soluto ab omni servicio salvo forinseco Et in predictorum omnium robur et testimonium dicti abbas et conventus huic scripto in modo cyrograffi confecto cujus una pars penes predictum Ricardum residet sigillum suum apposuerunt Et dictus Ricardus alteri parti hujus scripti penes dicto abbatem et conventum residentis sigillum suum apposuit Hiis testibus etc

Source Fulltext: Cartulary of Dale Abbey. Royal Commission on Historical Mansucripts Joint Publication, 11. Avrom Saltman. Derbyshire Archaeological Society Record Series, 2. Derbyshire Archaeological Society. H.M.S.O. London. 1967.