Sciant presentes et futuri quod ego Galfridus de Dethek dedi concessi et presenti carta mea confirmavi et omnino pro me et heredibus meis quietum clamavi deo et ecclesie beate Marie de Parcho Stanleye et canonicis ibidem deo servientibus et servituris totam terram et tenementum que habui in Stanton cum homagiis et serviciis liberorum villenagiis villanis sequelis et catallis eorum et cum omnibus que ad predictam terram et tenementum pertinent vel pertinere poterunt sine aliquo retenemento habend et tenend sibi et successoribus suis in liberam et perpetuam elemosinam de capitalibus dominis illius feodi pro servicio quod eis inde debetur inperpetuum Et ut predicti canonici de predicta terra et tenemento a predictis capitalibus dominis warantizacionem habeant pleniorem pro warantizacione mei et heredum meorum cartas eorumdem capitalium dominorum simul cum carta Helye Fulcheri de Osmundeston[] per quam inde feofatus fui eisdem canonicis tradidi et liberavi Pro hac autem donacione concessione carte mee confirmacione et quieta clamacione dedit mihi magister Willelmus Juvenis de Derby nomine dicti abbatis et conventus ad sustentacionem unius canonici pro anima ipsius Willelmi et pro animabus antecessorum et successorum suorum in ecclesia predicta missam celebrantis quinquaginta marcas sterlingorum Ut hec autem mea donacio concessio carte mee confirmacio et quieta clamacio perpetue firmitatis robur optineant presenti carte sigillum meum apposui in testimonium Hiis testibus magistro Ricardo de Morleg[] clerico Willelmo de Thevereya Roberto de Muschamp Hugone de Gurney Willelmo de Sandiacre Everardo de Stanl et aliis

Source Fulltext: Cartulary of Dale Abbey. Royal Commission on Historical Mansucripts Joint Publication, 11. Avrom Saltman. Derbyshire Archaeological Society Record Series, 2. Derbyshire Archaeological Society. H.M.S.O. London. 1967.