Haec est finalis concordia facta in curia Domini regis apud Lancastre a die Purificationis beatae Mariae in quindecim dies anno regni Regis Henrici filii Regis Johannis quinquagesimo sexto coram Waltero de Helyun Johannis de Oketon Petro de Cestria et Willelmo de Northburgh justiciariis itinerantibus et aliis Domini Regis fidelibus tunc ibi praesentibus inter abbatem de Cokersand querentem et Robertum filium Gregorii de Winmerley et Aviciam uxorem ejus inpedientes de duobus toftis sex acris terrae et una acra prati cum pertinentiis in Stalmyn unde placitum warantiae cartae summonitum fuit inter eos in eadem curia scilicet quod praedicti Robertus et Avicia recognoverunt praedictum tenementum cum pertinentiis esse jus ipsius abbatis et ecclesiae suae de Cokersand ut illud quod idem abbas et ecclesia sua praedicta habent de dono praedictorum Roberti et Aviciae habend et tenend eidem abbati et successoribus suis et ecclesiae suae praedictae de praedictis Roberto et Avicia et haeredibus ipsius Aviciae in puram et perpetuam elemosinam liberam et quietam ab omni saeculari servicio et exactione inperpetuum Et praedicti Robertus et Avicia et haeredes ipsius Aviciae warantizabunt acquietabunt et defendent eidem abbati et successoribus suis et ecclesiae suae praedictae totum tenementum praedictum cum pertinentiis ut liberam puram et perpetuam elemosinam absque aliquo servicio inde faciendo contra omnes homines inperpetuum Et idem abbas recepit praedictos Robertum et Aviciam et haeredes ipsius Aviciae in singulis beneficiis et orationibus quae decetero fient in ecclesia sua praedicta inperpetuum

Source Fulltext: The Chartulary of Cockersand Abbey of the Premonstratensian Order. W. Farrer. Remains, Historical and Literary, Connected with the Palatine Counties of Lancaster and Chester, New Series V.38. Chetham Society. Manchester. 1898.