Omnibus Christi fidelibus has litteras visuris vel audituris Walterus miseratione divina Norwicensis episcopus eternam in domino salutem Noveritis nos de concensu dilectorum filiorum prioris et conventus Norwicensium vicariam in ecclesia de Martham quam dicti prior et conventus habent in proprios usus taxasse ad quam quotienscumque eam vacare contigerit dicti prior et conventus clericum idoneum nobis et successoribus nostris presentabunt Consistit autem dicta vicaria per nos taxata in quodam manso et in omnibus oblationibus et minutis[] decimus ad dictam ecclesiam pertinentibus excepta medietate decimarum turbe et feni quam medietatem dictis priori et conventui reservavimus Ad dictam siquidem vicariam hac vice dilectum filium magistrum Thomam Picardum ad presentationem dictorum prioris et conventus admisimus eique curam animarum commisimus salvis in omnibus episcopalibus consuetudinibus et nostre Norwicensis ecclesie dignitate Sustinebit autem vicarius dicte ecclesie qui pro tempore fuerit omnia onera episcopalia archidiaconalia debita et consueta In cuius rei testimonium presenti scripto sigillum nostrum duximus apponendum Hiis testibus magistro Willehno de Suffeud Adam de Bromholm Adam de Wrdeste Alexandro de Audeberg[] domino Johanne de Melcham capellano Willelmo de Kakham Thoma de Walcote Hugone de Corbrig et aliis Data apud Norwicum ix kalendas Martii pontificatus nostri anno secundo

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.