716 REICHSSACHEN. 1314 APR. 28.

der Windeschen mark und zu Portenowe, grave zu Happsburg und zu Kiburg und lant- graffe im Oberen Elsasse, thune kont etc., das wir geheyseu, globt und gesworn haben vor uns und unsern brader hertzogen Friederich von Oisterich, des wir gantzen und sun dern gewalt haben von yme, das der vorgenante unser brader, ob yme got das gan, das er Romisch konigk wird, odir ob derselbe unser brader nicht were, das got nicht wolle, ее das er erweit wurde, und ob wir mit gotis helff zu Romischen konige erweite wurden, das der vorgenante unser lieber brader .oder wir, als davor mit rede bescheyden ist, umb die getrawen dinst, die uns gescheen sint von den edeln herrén graffen Iohan von Span heim und grave Iohan von Nassauwe, die sie uns und dem riche gethan habent, yne und iren erben versetzen sollen zu rechtem phande die stait zu Landauwe mit gewanheyt und rechten und mit allem dem, das darzu höret, umb dusent marke lodiges sielbers Straiss- burger gewechtes, das sie die nyessen sollent und inne haben also lange, biss wir yne oder iren erben das vorgenant sielber gar und gentzlich gegeben. Und so wan sie des gewert werdent, so sollent sie uns und dem riche dieselben stat Wieder inn antwurtten ane alle wiederrede. Und was sie desselben gutes dieselben wiele geniessent, das sollent sie uns niècht abe slagen. Wir wollen auch, das dieselbe phantschaffte dem riche an sinem rechte, und den vorgeschriben graffen und iren ganerben an iren rechten und ansprachen, die sie an derselben stait habent, deheyne schade sine. Und welicher under uns konig wirt, der sal yne eynen semmelichen brieff geben under synem königlichen ingesiegel. Wan er keyser wirt, so sal er ine eynen semmelichen brieff geben, als der ist, under sinem keyserlichem ingesiegel. Were auch das die vorgeschriben sachen mit icht uberfarn wurden oder zur- brochen, wan wir des gemant werden, so sollen wir schaffen, das ez wiederthan werde und das die vorgeschriben sache vollenfurt werdent, als'lieb uns unser ere, unser truwe und unser eyde sint. Und darüber zu eynem Urkunde etc.

Der geben ist zu Spire, do man von Oistes geburte zalte m.cccxiiü. iare, an dein nesten sondag nach sant Georien dag.

Lehmann aus dem Spanheimer copialbuche В. Ы. 41 zu Carlsruhe. — Reg. Lup. 's. 512.