Rudolfus dei gratia Romanorum rex semper augustus. Universis imperii Romani fidelibus, presentes litteras inspecturis, gratiam suam et omne bonuni. Equitatis vigor ex- postulat et ordo suggerit racionis, ut eum urmembris suis specialiter honoremus, qui nos- tris non exigentibus meritis regali solio nos prefecit, ad hoc videlicet, ut defensionis nostre presidio cunctas personas miserabiles foveamus. Eapropter nosse volumus universos, tam posteros quam presentes, quod nos dilectas in Christo . . abbatissam et conventum mona- sterii de Sunniburch, ordinis sancti Benedicti, Brixinensis diocesis, ob favorem, quem ad venerabilem H. Tridentinum episcopum, principem nostrum karissimum, eiusdem mona- sterii advocatum, gerimus affluenter, necnon ob divine retribucionis intuitum cum universa substancia, personis scilicet et grangiis pertinentibus ad easdem, in nostram defensionem et tutelam recipimus specialem; statuentes et sub interminacione gratie nostre districtius inhibentes, ne quis imperii fidelium contra huius proteccionis nostre tenorem ipsas abba- tissam et conventum audeat vel presumat in aliquo molestare. Quod qui fecerit, gravem nostre magestatis offensam se noverit incursurum. In cuius testimonium presens scriptuin magestatis nostre sigillo iussimus communiri.

Datum Wienne, xiiii. kalendas marcii, indiccione v., anno domini m.cc.lxxvii., regni vero nostri anno quarto.

Durig aus dem orig. im statthaltereiarchive zu Innsbruck. Das wohlerhaltene siegel hSngt an roth und gelber. seide. — Reg. Rud. nr. 1170.