Wir Lud. etc. Tun chunt etc., daz wir umb den nutzen und erbern dienst, den uns und dem riche uhser lieber fiirste und swager Iohans chunig von Beheim und von Polen getan hat an dem strite bei Muldorf mit unsem und des riches veinden, Frieder. und Ueinr. brudern hertzogen von Osterreich, do si und ir helfer gevangen wurden, an sand Michels abend, versetzen im Eger die stat und das lant mit den vestn Hohemberg, Seberg, Kyns- perg, mit herscheft, rechten, vogtayen, clostern, burchlehen, iuden, manschaft, niitzen und init allem dem das daczo gehort, fiir zehen tusent march silbers, drei phunt haller fiir ie die march ze reiten, und auch fiir zehen tusent march die wirimvor dar auf geben haben, als er des unser briefe gehabt hat, dieselbn stat, lant und vesten ze haben und ze niezzen von im und seinen erben an allen abslach swas si sein geniezzen als lang, unz daz wir es oder unser nachchumen an dem riche von im oder seinen erben umb die vorgenanten zweintzich tusent march silbers wider losen.

Datum Rat, anno domini m.ccc.xxii., feria secunda post Michahelis, regni nostri anno octavo.

Aus der Registratura Ludovici bl. 74 zu Miinchen. — Reg. Lud. nr. 476.