Karolus quartus divina favente clemencia Romanorum imperator semper augustus et Boemie rex. Universis priorissis et congregacionibus monasteriorum sancti Dominici sub cura fratrum Predicatorum per Alamanniam constitutis, devotis suis dilectis, graciam suam et omne bonum. Cum iam pluries ad noticiam serenitatis nostre pervenerit, quod nonnulle virgines, quas ad preces nostras primarias, de regali vel imperiali coronacione nostra vobis oblatas, in sórores vestras et moniales, prout tenebamini, suscepistis, laudabiles consue- tudines in receptione sororum circa vos seu in monasteriis vestris ab olim servan sólitas adimplere récusent, dicentes se ab hiis virtute precum nostrarum huiusmodi esse deberé liberas et exemptas, volentes ita sacri imperii iura fovere et [ut] nulla vos iniuria inde contingat, auctoritate presencium declaramus expresse, quod omnes et singule, per vos seu quoslibet ex vobis modo et ex causa predicta recepte seu recipiende, ad quasvis obser vancias et monasteriorum, in qnibus recepte sunt vel adhuc recipientur, laudabiles consue- tudines adimplendas ad instar aliarum, quocunque tenore ingrediencium, obligantur. Nec est intencionis nostre, in iuribus et consuetudinibus huiusmodi uUum vobis preiudiciuin ge nerare, duntamen nichil circa eas novum per vos aut inconsuetum in nostri et sacri imperii iuris iniuriam exquisitis coloribus attemptetur. Presencium sub imperialis maiestatis nostre sigillo testimonio litterarum.

Datum Metis, anno domini millesimo trecentesimo quinquagesimo sexto, viiii. indic- cione, XV. kal. decembris, regnorum nostrorum anno undécimo, imperii vero secundo.

Lehmann aus der Originalausfertigung für das kloster S. Lambrecht oder Lampertsheim.