Fredericus dei gratia Romanorum rex semper augustus et rex Sicilie. Dilectis fide- libus suis hominibus de Aste gratiam suam et bonam voluntatem. Regalem decet maie- statem vota fidelium etiam ignoscendo comissa ad serviendum omni modo provocare. Igitur cum comune de Aste seu homines civitatis eiusdem in bannum vel banna, penam vel penas pecunialiter incidisset,- ex eo quod mandatum vel mandata, preceptum vel precepta nun- ciorum nostrorum I[acobi] episcopi Taurinensis et Evrardi de Lutri eundo contra Albense vel alio quoquo modo praeterierat vel praeterierant, omnibus volumus inhotescere, quod dictum comune de Aste seu cives civitatis eiusdem ab huiusmodi banno vel bannis, pena vel penis relaxamus et absolvimus, omni modo ipsum bannum vel banna, penam vel penas prefato comuni seu civibus civitatis Astensis eiusdem tantummodo intuitu Guielmi mar- chionis Montisferati auctoritate nostra penitus remittendo. Itaque ab huiusmodi banno vel bannis, pena vel penis comune de Aste seu cives civitatis eiusdem sit liberum et absolutum vel liberi et absoluti, nec ex eo possint vel debeant ulterius molestari. Ad cuius rei evi- dentiam presentem paginam bulla nostre regie maiestatis iussimus communiri.

Datum apud Agenowe, anno domini millesimo ducentésimo nono décimo, indictione séptima, die mercurii, quarto intrantis septembris.

Testes: dominus Conradus Metensis et Spirensis episcopus imperialis aule canzella- rius) dominus Guielmus marchio Montisferati, dominus Gotofredus comes de Blandrato et plures alii.

Ludwig Edlbacher aus dem copialbuche der stadt Asti im Staatsarchive zu Wien.

FRTEMttCH It. 1219 NOV. 1.