Wir Ludowich von gotes gnaden Romischer chunich ze allen ziten merer des reichs. Veriehen offenlich an disem brief, daz wir dem edlen mann Heinrich grafen von Werden- berch, unserm lieben lantvogt in obern Swaben, geheizzen haben und geheizzen ze gelten und wider ze geben allez daz, daz er den dieneren von unsern wegen umb dienest gibt, die weil und er bei unserer lantvogtai ist, und sullen im do von helfen, ane seinen schaden. Und daraber ze urchunde geben wir im disein brief versigelten mit unsern insigel.

Der geben ist ze Lougingen, des eritages vor unserer frawen tach ze lihtmesse, do man zalt von Christes geburt driuzehenhundert iar, dar nach in dem fumf und zwainzig- stem iar, in dem ainliftem iar unsers reichs.

Stalin aus dem orig. im staatsarchive zu Stuttgart. Mit anhSngendem maiestfitssiegel. — Reg. Lud. nr. 3229.