REICHSSACHEN. 1331 MARZ 6. 723

Anno dominice incarnationis millesimo trecentesimo trigesimo, indictione quartadecima, die sexto mensis martii, in castro Platine districtus Cremone domini episcopi.Cremonensis; presentibus domino presbitero Stephano de Cuchinis rectore ecclesie dicti castri, et nobi- libus viris dominis Iacobino de Amatis, Stephano de Ponzonibus, Iohanne et Gaidoldo de Guazonibus, Iohannino de Trezo, Andriolo de Drizona, Audriolo de Codelupis civibus Cre- monensibus, Bernardo de Petrezanis, Armizolo de Armicis, Lafranco dicto Macho, et Ca- brino de Teziis habitatoribus dicti castri, atque aliis pluribus civibus Cremonensibus et habitatoribus dicti castri testibus ibi rogatis. Nobilis vir dominus Lapus de Sancto Iemi- niano, vicarius dicti castri pro infrascripto domino nostro rege iuxta tenorem quarundam Htterarum, quas ipsi domino Vicario presentavit ex parte nobilis et potentis militis domini Baldi de Ballastris, vicarii civitatis et districtus Cremone pro serenissimo principe domino Iohanne Boemie et Polonie rege, Luxemburgensi comite ac civitatis et districtus Cremone domino generali, discretus vir Franceschinus Petacius de Parma procurator venerabilis patris et domini domini fratris Hugolini dei et apostolice sedis gratia episcopi Cremonensis, de cuius procura in carta facta a Bartholomeo de Foxio notario continetur, posuit et in- duxit prefatum dominum Franzeschinum presentem et recipientem procuratorio nomine et vice dicti domini episcopi Cremonensis in tenutam et corporalem possessionem dicti castri Platine et oinnium iurium et pertinentiarum eiusdem, preterquam de turri et rocha dicti castri, que pro dicto domino nostro rege custodiri debet et custoditur pro conservatione status pacifici dicti castri, per catenas pontis dicti castri et per claves et clavaturas porte et pontis dicti castri, et cetera quoque et singula faciendo et operando, que ad inductionem vere tenute et corporalis possessionis pertinere iure legitimo dignoscuntur. — Post que continuo prefatus dominus Franzeschinus suprascripto modo et nomine ibidem presentibus testibus suprascriptis consignavit et.dedit in manibus dicti domini Lapi vicarii recipientis claves predictas pro conservando possessionem dicti castri dicto domino episcopo, et dictum castrum et eius possessionem custodiendo comisit eidem recipienti usque ad prefati domini episcopi libitum voluntatis.

Ego Davidinus de Restaliiis civis Cremonensis, publicus imperiali auctoritate notarius ac scriba et notarius prefati domini episcopi, interfui omnibus et singulis suprascriptis et hanc cartam seu cartas rogatus scripsi meoque solito signo et nomine roborando signavi.

Cereda aus dem archive zn Cremona. — Vgl. nr. 1030.