t^CxV. Der Hegauische Haufe an die Stadt Schafhausen.

(9. Juni 1525.)

F

rid und Gnad durch unsern Herrn Iesum Christum. Ersame und wyse Herren. Euwerm Schriben in kurtzen vergangen Tagen uns gethon, durch unser Geschrift geantwurt, wie daß wir mit unsern Ver wandten und unser Bruderschaft Zugehörigen nit verfaßt sigend, sonder on Verzug Solches ewer ftüntlich und dankwürdig gegen uns Erpie- ten zu wissen thun. Nu jetzund mit unserm bedachten Radtschlag sagend wir ewer Wvßheiten voran uf des allerhöchsten euwers Mit leiden gegen uns und nachbarlichs Erbieten großen Dank, und fürhin (so durch euch und ander fromm Brüder fruchtbarlich gehandlet möcht werden) solches mit flißigem Dienst (als arm Lüt) zu beschulden und verdienen allzeit willig und bereit sin. Diewil unser Fürnemen allein ist, das heilig Evangelium durch die Gnad Gottes zu erhöhen, das- selbig zu predigen pur, klar, on allen menschlichen Sinn und Zusatz, daß das heilig göttlich Recht mit Hilf des newen und alten Testaments erleucht und eröffnet werd, wider welches wir, als die unterworfne von Gott ingesetzte Gewalt, unser Oberkeit geistlicher (als wir sie nen nend) oder weltlicher, in keinen Weg Abbruch zu thund begerend, ouch unsers Fürnemens nach Lut unsers Artikels-Briefs, nicht und nie ge wesen von Ansang. Wo dann ewer Ersame mit sampt andern in sollichem und andern, so wir dann fürbringen mochtend, handeln, woll- tend wir zu solchem willig und erbietlichen sein. Geben uf Fritag nach Pfingsten An. 25.

Heinrich Maler Oberster mit sampt andern Hopileu- ten und Räten des gantzen Högowischen Husen.