DXX.

Vicario Marchiae Anconitanae, ut iustitiae complementum Putio Gentilis de castro S. Martini Firmanae dioec. in causa exhibeat, quae inter ipsum et consortes et commune eiusdem castri vertitur. Reg. An. IV. ep. 164. fol. 36.

Bonifacius episcopus etc. Dilecto filio nobili viro Davino de Ferentino in Anconitana Marchia Vicario generali, salutem etc. Sua nobis dilectus filius nobilis vir Putius quondam Gualterutii Gen- tilis de Castro S. Martini Firmane diocesis pro se, ac aliis consortibus suis dudum dominis dicti Castri conquestione monstravit, quod Commune ac homi- nes eiusdem Castri contra ipsos Putium et con- sortes maligno spiritu concitati, eis de dicto Castro violenter eiectis, domos, vineas, arbores et alia eorum bona, que habebant in dicto Castro et eius territorio, nequiter destruxerunt, ac alias multipli- citer dampna gravia et iniurias intulerunt eisdem, ac inferre cotidie non verentur, statuendo nichi- lominus in grave preindicium eorumdem, ut nullus de ipso Castro de (in) terris, possessionibus et aliis bonis ipsorum Putii et consortium audeat laborare, ac imponendo eis tallias et collectas, ac alia onera plurima contra pacta et conventiones inter eosdem Putium et consortes, vel progenitores eorum ex parte una, et predictos Commune ac homines ex altera olim inita et firmata, sicque iidem Putius et consortes adeo per eosdem Commune ac homi- nes indebitis gravaminibus, dampnis et molestiis Btint aflhcti, quod vix adicere poterunt, ut resur- gant, nisi eis per apostolice sedis providentiam salubri remedio consulatur. Quare dictus Putius pro se ac consortibus memoratis nobis humiliter supplicavit, ut sibi" et dictis consortibus super hiis de oportuno remedio providentes, prefatos Com- mune ac homines, quod ab huiusmodi predictorum Putii et consortium dampnis et iniuriis omnino desisterent, et eis de illatis plenam et debitam sa- tisfactionem impenderent, et predictum statutum sublata difficultate qualibet revocarent, ac pacta et conventiones servarent, ad que tenerentur eisdem, compelli summarie, de plano, sine strepitu et figura iudicii de benignitate apostolica mandaremus. Nos igitur predictorum Putii et consortium supplicatio- nibus inclinati, Nobilitati tue per apostolica scripta mandamus, quatenus eisdem Putio et consortibus super premissis, quatenus et contra ipsos de facto ac sine mandato et auctoritate sedis apostolice, vel Rectoris Marchie attemptata noscuntur, et huius- modi petita per Commune in ecclesie Romane preiudicium non redundant, exhibeas summarie ac de plano et sine strepitu et figura iuditii ex po- testate tibi tradita iustitie complementum. Si autem aliquid rationabile subesset negotium, quod te a premissorum vel aliquorum ex eis executione re- traheret, id nobis per tuas licteras harum seriem continentes studeas seriosius et fidehter intimare.

Datum Rome apud Sanctum Petrum n. Idus Apri- hs, Pontificatus nostri anno quarto.