DXIX.

Nerio de Turri tertia pars castri Tessennani Tuscanensis dioecesis, quam quondam Matthaeus Romei ob haeresim condemnatus possidebat, in feudum sub annuo censu xx. sol. paparenorum conceditur. Ex Beg. Cur. Patrim. B. Petri in Tuscia fol. 37.

Bonifacius episcopus etc. Dilecto filio Nobili viro Nerio de Turri Militi Urbevetano, salutem etc. Tue devotionis et fidei promptitudinem, qua te nostro nuper aspectui presentasti, benignius atten- dentes ac sperantes, quod quanto gratiosius te a nobis honorari perspexeris, tanto efficacius deum et Romanam ecclesiam studeas revereri, dignum duximus, ut personam tuam speciali favore ac gratia prosequamur. Sane petitio tua nobis exhibita con- tinebat, quod quondam Matheus Romei civis Tu- scanensis, qui tunc temporis medietatem Castri Tessennani Tuscanensis dyocesis, ad eum iure pro- prio pertinentem obtinebat, propter crimen here- seos per inquisitorem quendam heretice pravitatis extitit condempnatus, et bona sua omnia Romane Ecclesie publicata: verum cum ex ipso Matheo

tres filie de legitimo matrimonio procreate reman- sisse post ipsius obitum dignoscantur, tuque unam ex predictis filiabus habeas in uxorem, ac ex ea susceperis plures filios, nobis humiliter supplicasti, ut tertiam partem predicte medietatis Castri Tes- sennani, que tertia pars prefatam uxorem tuam potuisset iure hereditario contigisse, si dictus Ma- theus huiusmodi hereseos labe respersus, et pro- pterea condempnatus ac bona sua publicata, ut predicitur, non fuissent, concedere tibi ac tuis he- redibus et successoribus in feudum de speciali gratia dignaremur. Nos igitur volentes tibi gratio- sam et favorabilem munificentie nostre dextram aperire, tertiam partem predicte medietatis eius- dem Castri Tessennani, ad eandem Ecclesiam per- tinentis, cum omnibus iuribus et pertinentiis suis auctoritate apostolica tibi, ac tuis heredibus et successoribus in perpetuum, de tuo corpore per rectam lineam legitime descendentibus, in feudum concedimus de gratia speciali, non obstante, si de dicto Castro Tessennani vel aliqua eius parte ali- quam concessionem alii fecisse noscamur, per quam quoad predictam tertiam partem tibi concessam nullum tibi vel ipsis heredibus volumus preiudicium generari: ita tamen quod iuxta morem feudatariorum militum eiusdem Ecclesie Romane in Patrimonio beati Petri in Tuscia hactenus observatum debita servitia tu, et dicti heredes et successores propter hoc semper exhibeatis Ecclesie memorate, nec quicquam de feudo ahquatenus alienetis: quod si secus egeritis, illud exnunc irritum decernimus et inane, ac nulhus existere firmitatis. Ut autem in predictis circa possessionem et proprietatem Ec- clesie predicte in futurum memoria certior habeatur, volumus, quod annis singulis viginti sohdos papa- renorum usuahs monete pro tempore nomine census infra quindenam resurrectionis dominice cum osten- sione litterarum huiusmodi tu, ac ipsi heredes et successores nostre Camere persolvatis, quodque tam tu quam dicti heredes et successores vassal- lagium et iuramentum fidelitatis pro feudo predicto nobis,vel Camerario nostroinfra duos menses a data presentium, et deinde successoribus nostris Romanis pontificibus canonice intrantibus, seu Rectori patri- monii, qui pro tempore fuerit, ipsorum successorum nostrorum et Ecclesie prefate nomine infra quatuor menses, postquam successores ipsi fuerint ad api- cem apostolice dignitatis assumpti, teneamini facere ac prestare, et recognoscere per publicum instru- mentum, quod huiusmodi feudum ab eadem Ecclesia teneatis: que si facere forsitan contempseritis, omne ius, quod tibi ac ipsis heredibus et successoribus ex presenti concessione competit vel competeret, ad predictam Ecclesiam libere devolvatur. Nulh ergo etc. Si quis autem etc. Datum apud Urbem- veterem u. Kalend. Novembris, Pontificatus nostri anno tertio.

BONIFACIUS PP. VIII ANNO CHRISTI 1298. 347