DCCLXXIX.

Rectori Marchiae Anconitanae, ut inquirat et referat, ex qua causa civitas Urbinas fuerit comitatu privata, et an utile sit restituere dictum comitatum civitati praedictae. Reg. An. XIX. Par. IIL Com. ep. 232.

Iohannes episcopus etc. Dilecto filio Bernardo de Piano Sacriste ecclesie Magalonensis, Capellano nostro, Marchie Anconitane Rectori, salutem etc. Oblata nobis pro parte dilectorum filiorum Nobi- hum virorum Gralassi et Nolfi, et aliorum Urbi- natum nostrorum fidehum petitio continebat, quod olim prefata civitas propter rebelhonem ipsorum tunc temporis perpetratam Comitatu suo privata fuit, et quod ipsi Nobiles et Commune, iam diu est, ad obedientiam et fidehtatem nostram et sancte Romane ecclesie plenarie redierunt, et tam nobis et eidem ecclesie, quam officialibus nostris ipsarum partium humihter et devote obediunt, ac parere et obedire, prout tenentur ex debito perpetuo, sunt parati. Quare prefati Nobiles et Commune nobis humiliter supphcarunt, ut cum eis in hac parte misericorditer more pii patris agentes, eisdem Com- muni predictum Comitatum ipsamque Civitatem ad statum pristinum, quo ante privationem huiusmodi existebant, restituere de speciali gratia dignaremur. Nos igitur de premissis certam notitiam non ha- bentes, ac volentes super hiis plenius informari, gerentes quoque de tue circumspectionis industria fiduciam in domino specialem, discretioni tue per apostohca scripta mandamus, quatinus de causa privationis huiusmodi Comitatus, et an quod pe- titur ad pubhcam ipsarum partium utihtatem per- tineat vel non, auctoritate nostra te studeas infor- mare dihgentius, et quecunque super hiis inveneris, fidehter in scriptis redacta nobis per tuas litteraa harum seriem continentes fidehter referre procu- res, ut tua super hiis informatione habita, quod super premissis expediens fuerit, possimus salubri- ter ordinare. Datum Avinione xi. Kal. Octobris, Pontificatus nostri anno decimo nono.