Alexander episcopus servus servonim Dei, dilectis filiis.. abbati Cistercii ejusque coab- batibus et conventibus universis cisterciensis ordinis salutem et apostolicam benedictionem. Sedes apostolica duxit vobis provide concedendum, ut a nullo alio nisi a patribus abbatibus seu dicti ordinis monachis a dictis abbatibus super hoc deputatis visitari vel corrigi valeatis. Quia vero sic sunt procurationes visitationi annexe, ut prelatis non sint, nisi visitent, exhi- bende, auctoritate presentium ne quisquam dyocesanus aut prelatus alius a vobis procurationes hujusmodi exigere vel extorquere presumat, nec vos eas exhibeatis eisdem districtius inhi- bemus. Decernentes eadem auctoritate irritum et inane si quid contra inhibitionem hujus- modi a quoquam fuerit propria temeritate presumptum ac sententias, si quas in vobis hujusmodi occasione prolate fuerint non tenere. Nulli ergo omnino hominnm etc.