H. Dei gratia Cantuariensis Archiepiscopus, tocius Anglie primas, universis Sancte Matris ecclesie filiis, ad quos littere presentes pervenerint, salutem, gratiam et benedictionem. Noverit universitas vestra, quod dilectus filius noster Willelmus de Sancte Marie ecclesia spontanea voluntate aua resignavit in manus nostras ecclesiam de Estchirche, que est in insula de Scapeia et, post factam resignationem, dominus Richardus, rex Anglie, concessit eandem ecclesiam ecclesie Cancte Marie de Dunis in perpetuam elemosinam et nobis dilectum amicum nostrum Ilelyam, abbatcm ejusdem ecclesie de Dunis, ad prefatam ecclesiam de

Estchirchc presentavit, ad cujus presentationem, nos ipsum abbatem, nominc domus sue, ad eandem ecelesiam recepimus, et eum in ea vacante canonice personam instituimus et per officiales nostros in corporalem possessionem ejusdem ecclesie eum introduci fecimus. Qua- propter volumus quod predictus abbas et conventus ejusdem ecclesie de Dunis eandem ecclesiam de Estchircbe in puram, liberam et perpetuam elemosinam habeant et teneant libere, quiete et honorifice cum omnibus ad eam pertinentibus, salvo jure et consuetudinibus episcopalibus et salva nobis competenti ordinatione vicarie predicte ecclesie. Et ut hec nostra concessio et institutio rata in perpetuum et inconcussa permaneat, cam presentis scripti attestatione et sigilli nostri appositione communimus. Iliis testibus Huberto, arcbidiacono cantuariensi, magistro W. de Ganda, abbate de Waltham., Willelmo abbate de Straford, Hein- rico de Castellione, Waltero Londonensi precentore, magistro Willelmo de Lecbintoniense, magistro de Sealis, magistro Willelmo de Sumercote, magistro Willelmo de Calna, Symone camerario, Richardo de Eli.