Chronica et Chartularium - Monasterii de Dunis, Nr. 1129, S. 1257
![000001257.png](http://images.monasterium.net/img/collections/Dunis/000001257.png)
![000001258.png](http://images.monasterium.net/img/collections/Dunis/000001258.png)
Chronica et Chartularium - Monasterii de Dunis, Nr. 1129, S. 1257
nobis in elemosinam.
Nos Ghristianus, dictus abbas de Thosan, B. decanus Sancti Donatiani et magister Gise- Jinus in Brugis, notum facimus universis presentibus et futuris, quod cum Weitinus, filius Cone et Ermengardis, uxor ejus, ecclesie de Thosan octo mensuras terrarum, ex parte uxoris
provenientes, in elemosinam contulissent ct ex illis octo, quatuor mensuras ab ecclesia eadem,
tam predictus W. quam posteri ejus perpetuo possidendas sub annuo censu recepisset.
Jdem W. paupertate cogente mensuras supradictas venales optulit, quasi illas jure heredi-
tario possideret. Porro parentes et propinqui dicte Ermengardis audientes quod terram illam
sepedictus W. per venditionem a veris heredibus alienare temptaret, de communi consilio
contradicentes huic alienationi tanquam sue cxheredationi communiter restituerunt. Cum igitur
inter ecclesiam de Thosan et dictum Weitinum, filium Cone, ex una parte et heredes sepe-
dicte Ermengardis, ex altera , super quatuor mensuris ab ecclesia memorata Weitino et posteris
ejus sub annuo censu perpetuo concessis et super medietate dimidie mensure, que dicitur
Pustlant, quam ab eadem ecclesia predictus W. se asseruit comparasse, diu altercatio verte-
retur, tandem, fide interposita et sub pena quindecim librarum flandrensium a resiliente
parte adverse solvendarum, in nos tres tanquam in arbitros a partibus est compromissum,
ut quicquid de terra sepedicta statueremus ratum et stabile perpetuo teneretur. Nos ergo
suscipientes arbitrium et auditis hinc inde propositis et testibus a nobis, tam super forma
prima facte donationis, quam superjure heredum diligenter, examinatis circumspectis omnibus
de communi consilio, arbitrando statuimus quod ecclesie de Thosan quatuor mensuras ex
premissis octo, absque contradictione et calumpnia, libertate perpetua possidebit. Weitinus
vero reliquas quatuor tenebit quoad vixerit, ita tamen , quod ipso decedente , absolute et libere
post vitam ipsius ad Philippum, filium Blocs et alios dicte Ermengardis heredes revertantur.
Ceterum quum intelleximus quod Weitinus, vivenle uxore sua, quondam terre partem ad
ipsum spectantem vendidit, quam in usus suos et uxoris sue communiter expendit, posteris
et propinquis sepedicti W. adjudicavimus, quod quartam partem illarum quatuor mensurarum,
quas ad victum suum modo tenet, sex et supradictam medietatem diuiidie mensure, que
dicitur Pustlant, post vitam ipsius, ipsi hereditarie possidcbunt. Ut autem super premissis
omnibus, habita controversia in posterum sopialur et arbitrium prolatum inter partes ratum
et inconvulsum perpetuo teneatur, litteras istas scribi et cum sigillis nostrorum duorum,
magistro Giselino, coarbitro nostro, sigillum non habentes fecimus confirmari. Actum Brugis,
anno Domini M° CC" tricesimo, feria sexta post Epiphaniam Domini.
van de Putte: Chronica et Cartularium monasterii de Dunis, 1864 (Google data) 1129, in: Monasterium.net, URL </mom/Dunis/1c81cbfc-9b4d-45df-95b5-0e5894b22276/charter>, accessed at 2024-05-07+02:00
The Charter already exists in the choosen Collection
Please wait copying Charter, dialog will close at success