Nos magister Everardus sacre theologie professor, Dei gratia et apostolice sedis, abbas sancti Nicholai Furnensis, premonstracensis ordinis, morinensis dyocesis, notum facimus quod anno Domini millesimo, trecentesimo LXX°, quarta die mensis Aprilis, vidimus, legimus ac diligenter inspeximus litteras illustris principis domini Guillelmi quondam Hanonie, Hollandie, Zelandie comitis ac Domini Frizie, ipsius vero sigillo sigillatas, non cancellatas, non abolitas, non abrasas, nec in aliqua sui parte viciatas, sed sanas et integras, omnique suspitione carentes, ut prima facie apparebat formam que sequitur continentes: Guillelmus Hanonie, Hollandie, Zelandie comes ac dominus Frizie, notum facimus universis presentibus et futu- ris quod nos fratres et bona ecclesie beate Marie de Dunis, cisterciensis ordinis, per totum dominium nostrum, sub nostra protectione suscipimus et tutela paterna pro remedio patris nostri bone meraorie Guillelmi et animarum nostrorum antecessorum et nostrorum succces- sorum gratuita benignitate fratribus concessimus memoratis, ut per totam terram nostram licentiam habeant libere vendendi et emendi quecumque voluerint et quotiens aliqua propriis usibus necessaria navigio seu alio quolibet modo transvexerint a theolonio, exactione et omni consuetudine que a ceteris hominibus in nostro dominio recipi solet, semper et perpetuo liberi pertranseant et immunes, dumtamen qui super hujusmodi bona ex parte dictorum fratrum fuerit deputatus juramentum prestet, quod ad propios usus eorundem sunt deputata. Si quis vero eorum omnium qui ad jus nostrum spectare noscuntur visis litteris istis predictos, vel bona eorum infra terram nostram spoliaverit vel eosdem quocumque modo molestare presumpserit, sciat se certissime nostram incurisse offensam, et quantum dicti fratres in

237

exigendo justitiam propter hoc ipsum expenderit, tanti se noverit ipsis fratribus esse debitorem et nobis de forefacto satisfacturum. In cujus rei testimonium sigillum nostrum littcris pre- sentibus duximus apponendum. Datum Machelnine feria sexta ante festum beati Valentini, anno Domini millesimo, trecentesimo xxx° octavo. Presentibus domino Willelmo de Dunen- vorde, et magistris Henrico de Geldonia et Nicholao Stuuc. In cujus inspectionis nostre verum testimonium nos abbas sancti Nicholai predictus huic presenti transcripto sigillum nostrum duximus apponendum. Datum anno et die quibus supra.