V j , dc 1'Invenlairc de la Bibliolheque dn Sdminaire episcopal de Bruges. Privileges. Le Pape fait un brillant iloge de Vordre de Citeauz.

Alexander episcopus, servus servorum Dei, dilectis filiis Alexandro abbati Cisterciensi et universis ejusdem ordinis abbatibus tam presentibus quam futuris canonice substituendis in perpetuum. Attendentes quomodo vos a secularis vito latitudine conversos omnipotens et clemens Dominus ad anguste porte deduxit introitum et vos tanquam a carnc ad ipsum separavit, gaudio gaudemus et interne mentis letitia et exultatione jocunditatis replemur monentes pariter et exhortantes ut sollicita intentione nitamini in vasis vestris oleum deferre quatenus media nocte cum clamor factus fuerit, accensis lampadibus vestris, sponsi mereamini thalamum introire et justicie beatitudinem accipere que justis est reservata in celis. Quapropter quia nos elegit Dominus in hereditatem sibi et a longe ex alto respexit, paci et tranquillitati vestre quantum nobis gratia divina concedit, prospicere cupientes apostolica vobis auctoritate concedimus et indulgemus ut proprios abbates ordinis vestri qui aliquo crimine fama publica respersi aut publice convicti a patribus abbatibus, secundum formam ordinis, commoniti suo prelato sponte cedere nolunt ad sedem apostolicam appellandi facultatem non habeant ad suum reatum per personas aliquas defendendum. Sancimus preterea ut si episcopi cum humilitatc et devotione requisiti, sicut convenit, substitutos abbates benedicere forte renuerint eisdem abba- tibus liceat proprios novicios benedicere et alia que ad officium illius pertinent exercere donec episcopi ipsi duriciam suam recogitent et abbates benedicendos bcnedicere non recusent. Sane si episcopi aliquid preter obedientiam debitam ab abbatibus contra libertatem ordinis a predeees

soribus nostris et nobis indultam expetierint, liberum sit eisdera abbatibus auctoritate apostolica denegare quod petitur ne occasione ista ordo qui hacteuus liber extitit perpetue servitutis laqueo vinciatur. Quod si episcopus aliquis piopter hoc in personas vel ecclesias vestras scntentiam promulgaverit ejusdem sententiam tanquam contra apostolice sedis indulta prolatara , irritam fore sancimus. Siquis in futuro ecclesiastica secularisve persona hanc nostram constitutionis paginam sciens contra eam teraere venire presumere temptavit secundo et tertio commonita nisi presomptionem suam digna satisfactione correxerit, potestatis honorisque sui dignitate careat reamque divino judicio existere de perpetrata iniquitate cognoscat et a sanctissimo Corpore et Sanguine Dei et Domini Redemptoris nostri Jhesu Christi aliena fiat atquc in extrerao examine districte ultioni subjaceat. Cunctis autem hanc nostram constitu- tutionem servantibus sit pax Domini nostri Jhesu Christi quatenus et hic fructum bone actionis percipiat et apud districtum judicem premia etiara pacis inveniat. Amcn. Datum Beneventi, per manum Corardi sancte Rom. ecclesie notarii, iiij Nonas Julii, indictione ij, Incarnationis Dominice Anno m. c. lx octavo , Pontificatus vero Domini Alexandri pape III anno decimo.

Decidimus ergo ut nulli omnino hominum liceat hanc paginam nostre constitutionis infringere vel ei aliquatenus contraire.