In nomine Domini amen. Anno a nativitate ejusdem millesimo trecentesimo tricesimo nono, indictione septima, pontilicatiis sanctissimi in Christo patris et Domini nostri Domini Benedicti divina providentia pape XII, anno quinto, mensis Septembris die xn, hora completorii vel quasi, constitutus in presentia notarii publici infrascripti, reverendus in Ghristo pater et Dominus Dominus Lambertus, abbas monasterii de Dunis, Cisterciensis ordinis, morinensis diocesis, petiit a me notario subscripto ut sibi facerem copiam cujusdam privilegii michi traditi per venerabilem et religiosum virum fratrem Arnoldum, Johannis Bolbone monachum, procuratorem Cisterciensis ordinis, in eadem ejus qualitate, decimas seu procurationes dictum Cisterciensem ordinem tangentes factum per Dominum nostrum papam predictum, pontificatus sui anno quinto ejus vera bulla plumbea, filo canapis pendente, bullata ut prima facie appa- rebat, cujus quidem privilegii tenor de verbo ad verbum taliter est. Benedictus episcopus servus servorum Dei, dilectis filiis universis collectoribus decime et procurationum legatis et indiciis sedis apostolice debitorum auctoritate apostolica deputatis et in posterum deputandis, salutem et apostolicam benedictionem. Favoris nostri prevenire decet auxilio ut quod pie atque juste pro monasteriis et membrorum suorum utilitate et quiete deposcitur affectu bene- volo provide concedatur, sane dilecti filii abbas cistercii ejusque coabbates, necnon dilecte in Christo filie abbatisse et universi conventus monasteriorum et locorum conventualium Cister- ciensis ordinis nobis significari curarunt quod licet secundum statutum et ordinationem meam in singulis monasteriis et aliis conventualibus locis ordinis prelibati, per abbatem seu alium regimini presidentem, de seniorum sui conventus consilio duo Bursarii deputantur quorum unus principalis existit, qui siquidem Bursarii omnes pecunias ipsius monasterii vel loci conven

4 y

146

tualis undecumque provenientes universaliter recipiunt et de dicti abbatis vel regimini pre- sidentis mandato illas distribuunt prout fuit opportunum et tam de antiquo more quam de observantiis eorumdem in decima que per sedem apostolicam pro tempore iuiponitur et procu- rationibus, Iegatis et indiciis sedis apostolice debitis quodlibet monasterium dicti ordinis pro se et omnibus membris et grangiis suis sive in eadem, sive in diversis diocesibus consistant onus super hoc sibi rationabiliter impositum, solum consuevit predictis membris et grangiis, nullam separatam solutionem facientibus et concurrentibus in solutione predicta cum hujus principali monasterio seu conventuali loco cui subesse nQSCunt, nonnulli tamen ex vobis eos pro hiis locis et merabris consistentibus extra diocesim in qua monasterium seu locus conventualis cui subsunt existit, decimam et procurationes hujusmodo separatim exigere et extorquere pro eorum libito moliuntur ipsos super hoc raultipliciter molestantes. Nos igitur eorum super premissis providere quieti at hujusmodi obviare molestiis intendentes univer- sitati vestre per apostolica scripta districte precipiendo mandamus quatenus ex quo monasterium seu conventualis locus hujusmodi pro se, membris et grangiis sibi subjectis, sive in una eademque diocesi sive in diversis diocesibus consistaut, decimarum procuratioues hujusmodi sibi impositas duximus persolvendas, nullam aliam solutionem a predictis membris seu grangiis exigatis, ne, quod absit, ex diversitate solutionem hujus bis exigi seu solvi con- tingat quod semel tantum est modo persolvendum. Nos insuper omnes processus et — quos vel quas contra mandatum hujus per vos vel aliquem vestrum fieri seu perfici contigerit irritos decernimus et inanes et nullius existere sanitatis. Datum Avinioni X kal. Martii, pontificatus nostri anno quinto. Acta fuerunt hec Cistercii in camera dicti Domini procuratoris, anno, indictione, pontificatu, mense, hora, die, quibus supra , preseutibus ibidem venerabilibus et religiosis Dominis Nicholao de Pratea, Guillelmo de Ecimudo et Reymundo de domo dictorum monasteriorum dicti Gistercii abbatibus testibus in premissis et Nicholao domino abbate de Dunis predictis, ad majorem securitatem rogavi dorainos abbates predictos ut sigilla eorum huic publico instrumento apponerent, ad cujus petitionem nos Nicholaus de Pratea, Guillelmus de Ecymuda et Reymundus de domo dicti abbates predicti ad preces dicti domini abbatis de Dunis sigilla nostra presentibus duximus apponenda in testimonium premissorum.

Et ego Engelbertus dictus de Vechta, clericus, Osnaburgensis diocesis, publicus imperiali auctoritate notarius premissis omnibus et singulis una cum prenominatis testibus presens interfui eaque sic fieri vidi et audivi hoc presens publicum instrumentum inde confici quod manu propria subscripsi meoque signo solito et consueto signavi vocatus ad hoc specialiter et rogatus: constat milii notario predicto de rasura in penultima linea videlicet de nomine Reymundus.

S. E.NGELDERTI.

14-7