In nomine Patris et Filii et Spiritus sancti. Amen. Notura sit omnibus, tam presentibus quam futuris, quod ego Egidius Bartouthet Kateiina uxor mea.donum unius pise anguil- larum, quam bone memorie nobilis vir Gerardus de Baliul, castellanus de Aldenburga, et Virginia uxor cjus, pater videlicet et mater uxoris mee, conventui sancte Marie de Dunis in elemosinam contulcrunt, approbantes confirmamus. Insuper et nos ejusdem conventus de Dunis indigentes nichilominus et cupientes orationibus commendari pro salute animarum nostrarum et predecessorum nostrorum, unam similiter pisam anguillarum eidcm conventui in puram et perpetuam elemosinam et per assensum etiam duorum filiorum uxoris mee , Eustacii et Gerardi, largimur, infra festum sancti Bavonis et Purificationem beate Marie, ubicumque aqueductus exitum suum habuerit, in toto officio de Leffinga, cum alia pisa prius collata de primis etiam anguillis singulis annis bona fide persolvendam. Si vero casu aliquo in officio predicto, anguillas capi non contigerit, singulam pisam quadraginta solidis flandrensis monete, termino prefixo, a nobis vel successoribus nostris decernimus redimendam. Ut igitur hec nostra largitio rata permaneat et omnis tollatur fraudis seu malignitatis occasio, prefatos solidos, videlicet bis quadraginta, si quidem predictus anguillarum defectus contigerit, ipse dominus de Aldenburga castellanus, videlicet quicunque fuerit, de bonis suis aliis ubicunque magis apparentia fuerint, persolvere debebit. Hanc etiam conditionem apponimus, ut hec elemosina conventui cum integritate debeat impendi, nec in usus alios ullo modo converti. Si vero presentium futurorum, vel quispiam hanc nostre caritatis gratiam, sepedicto conventui quoquo modo subtraxerit, a domino Amilio, venerabili abbate de Dunis et Willelmo, boni nominis abbate de Aldenburg, excommunicationis vinculo sese noverit innodatum. In majoris quoque

m

firmitatis et securitatis argumentum, presentem cartam prefata beneficia continentem, sigillorum nostrorum appensione et testiura qui interfuerunt, nominum inscriptionem confirmamus. Testes: Dominus Willelmus, abbas de Aldenburga, Nicholaus, prior, Walterus de Woma et Andreas, monachi ejusdem loci, Balduinus canonicus de Commines, frater uxoris mee, et magister Jacobus de Aldenburga. Actum anno gratie millesimo ducentesimo septimo decimo, mense Julio, quinto kalendas cjusdem.