Innocentius episcopus servus servorum Dci, dilectis filiis abbati et conventui monasterii de Dunis, Cisterciensis ordinis , Morinensis diocesis, salutem et apostolicam benedictionem. Gum a nobis petitur quod justum est et honestum, tara vigor equitatis quam ordo exigit rationis ut id per sollicitudinem officii nostri ad debitum perducatur effectum. Ex parte siquidem vestra fuit propositum coram nobis quod nonnulli ecclesiarum prelati vestris libertatibus invidentes, cum eis non liceat ex apostolice sedis indulto in vos excommunicationis aut interdicti sententias

135

promulgare, in familiares, servientes et benefactores ac illos qui molunt in molendinis vel eoquunt in furnis vestris, quique vendendo seu emendo vel alias vobis communicant, sententias proferunt memoratas sicque non vim et potestatem previlegiorum vestrorum sed sola verba servantes vos quodammodo excommunicant, dum vobis alios communicare non sinunt, et ex hoc judicari videmini judicio judeorum, et qni vobis communicant in predictis illud evenit inconveniens quod majorem excommunicationem incurant, quia excommunicatis commu- cando fuerant incursuri. Quare nobis humiliter supplicastis, ut providere quieti vestre super hoc paterna sollicitudine curaremus. Nos igitur vestris supplicationibus inclinati, nequis predic- torum hujusmodi sententias in fraudem privilegiorum apostolice sedis de cetero promulgare presumat, auctoritate presentium inhibemus, decernentes eas si per presumptionem cuipiam taliter promulgari contigerit irritas et inanes. Nulli ergo omnino hominum liceat hanc paginam nostre inhibitionis infringere ut ei ausu temerario contraire. Siquis autem hoc attemptare presumpserit indignationem omnipotentis Dei, et beatorum Petri et Pauli apostolorum ejus se noverit incursurum. Datum Laterani ij Id. Martii, pontificatus nostri anno primo.