Chronica et Chartularium - Monasterii de Dunis, Nr. 496, S. 605
Chronica et Chartularium - Monasterii de Dunis, Nr. 496, S. 605
Universis presentibus et futuris presentes litteras inspecturis, Lambertus decanus Chris- tianitatis in Brugis, eternam in Domino salutem. Significamus universitati vestre quod cum Thomas filius Marie, relicte Lamberti filii Bonifacii de Hostkerke, multociens conquereretur quod abbas et conventus de Thosan tres mensuras terre ab aquilonari parte ecclesie de Host- kerke jacentes et unam lineam terre jacentem prope dikura de Muncrede, que patres sui fuerant minus juste possiderent et eos" super hiis sepius inquietaret, tandem Thomas pre- fatus ex una parte et procurator ecclesie de Thosan, de mandato abbatis sui ex altera, in nostra presentia constituti, pari consensu in venerabilem virum dominum Salomonem, quondam abbatem tam de Dunis quam de Thosan, sub pena triginta librarum flandrensium a parte resiliente ab arbitrio parti adverse persolvendarum compromiserunt ita ut dominus Salomon uno socio quemcunque vellet secum assumpto compositione, vel judicio causam debito tine terminaret. Prefatus igitur dominus Salomon, suscepto arbitrio, partibus ad diem assignatam comparentibus auditis hinc inde rationibus et testibus quos partes producere nolebant exami- natis et rei veritate super omnibus diligenter inquisita domino Eustachio de Furnis monacho
568
de Thosan pro socro sibi adjuncto, acceptis plegiis de servando arbitrio, hiis inquam omnibus rite factis, sepedictus dominus Salomon coarbitro suo ei consentiente, totam terram supra- dictam videlicet tres mensuras et unam lineam ecclesie de Thosan perpetuis temporibus pos- sidendam tanquam arbiter adjudicavit et Thome superius nominato super sua petitione perpetuum silentium imposuit, et ipse Thomas presens et audiens arbitrium approbavit et laudavit et in perpetuum ratum fore consensit. Nos etiam in hujus facti testimonium, ne res tain rationabiliter terminata in posterum oblivioni tradatur, presentem paginam conscrip- tam ad petitionem ambarum partium sigilli nostri munimine fecimus roborari. Actum apud Thosan ante portam, in domo feminarum, anno Domini M" CC° XXX* septimo in vigilia sancti Hathei apostoli.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}