Nous Guis, cuens de Flandres et marchis de Namur, faisons savoir a tous ke nous avons vendu bien et loiaument par le main Dans Eustache, moine de Camberon et nostre foiaulle sergant Lotin de Bruges, a labbeit et au couvent des Dunes, vint et un bonir cent et siis verghes de moer a tout le treffons, gisans ou mestier de Hulst, devant leur court kon apele le moer des Dunes, deseure leur frontieres dou moer et les frontieres ceaus de saiut Piere de Gant, ou liu kon apele Gagheldonc; chascun bouniers pour vingt et ciunc livres de le monoie de Flandres, encore un bounier de wasfine, gisant en ce mesme liu a tout le moer ki ens gist, pour cens sols de le dite mounoie, et encore deus bouniers de moer a tout le treffous, gisant sour le watreganc ki va de Chavctinghes devers Hulst, den coste le moer devant dit au leis devers Chavetinghes, chascun bounier pour vint livres de le mounoie deseure noume. Encore un bounier de moer a tout Ie tresfons, gisant en Chave- tinghes, decoste le moer ceaus des Dunes , pour vint livres de le mounoie dcvant dite, cest en soume ciunc cens qualre vins douzc livres seze sols et siis deniers, dcsquel deniers nous nous tenons bien et plainemeut a paiiet des devant diis .. abbeit et le couvent. Et ces bouniers de moer et de wastine devant noumeis a tout le treffons proumetons nous a warandir as devant dis abbeit et couvent pour nous et pour nos hoirs et nous successeurs contes de Flandres, perpetuelment contre tous permi trois deniers de cens de chascuen bounier par an, a paiier a nous brief de Assenede, chascun an ale saint Remi, et double cens toutes le fois ke li moers devant dis a tout le treffons ira de main en autre et quatre deniers pour mettre en nos brief le nom de celui ki i entrera et parmi ce ke les fron- tieres de ceaus des Dunes se extendent aussi avant kc les frontieres de saint Piere de Gand, ki gisent den coste, il ne pueent ne doivent jamais demantler nul droit dcs frontieres de cent verghes 3u lieu devant dict. En tiesmoignage de la quel chose nous avons ches presentes letres saielces de nostre saiiel donnees al abbet et au couvent devant dis, en lan de le Incarnation nostre Seignur mil deus cens quatre vins et ciunc, ou mois de Fevrier.

47

570