259

tenir nostre party, il et son monastère ont eu et supporte, comme encoires ont et supportent de grandes et inextimables pertes, pour lesquelles en partie eschiever, obvier et presserver les maisons dicelle abbaye, scituees en nos villes de Gand et de Bruges, et autres biens de totalle ruyne et désolation et autrement, pour le grand prouffit et commodité deladicte abbaye, lui est nécessaire soy transporter en icelles nos villes de Gand et Bruges et ailleurs illecq environ, ce quil noseroit ne pourroit bonnement faire, sans sur ce avoir nos congie et licence, dont il nous a si très humblement supplie et requis. Nous ces choses considérées, a icellui abbe suppliant inclinans pour ces causes et autres a sa dicte supplication, avons consenty , accorde et octroyé, consentons, accordons et ottroyons, en lui donnant congie, licence et saulfconduit de grâce especial, par ces présentes, pour lui, deux ses religieux et quatre serviteurs, et autant de chevaulx et en dessoubs et chacun deux ensemble ou séparément, portans ces présentes vidiiius ou copie autentycque dicellui quils puissent durant le temps et terme de six moys prochainement venans, a competer du jour de la date de cestes, et non plus avant aller et eulx transporter en no dictes villes de Gand et Bruges et ailleurs, ou parti de nos rebelles subgets de Flandres et des dicts lieux, retourner en nos pays et obeyssance pendant ledit temps, ainsi et a tant de fois que bon leur semblera, seurement, sauvement et paysiblement, et a ceste fin povoir de ceulx de Gand ou autres que besoing sera, obtenier telles lettres de saulfconduit, que mestier leur sera, sans pour ce par ladicte abbaye scsdicts religieux ou serviteurs ou nombre dessusdict encourrir envers nous en aucun dangier, penie ou amende. Si vous mandons et expressément enjoingnons et a chacun de vous endroit soy et sicomme a lui appertiendra, que de nostre présente grâce, congie, licence et saulfconduit, selon et par la manière comme dit est, vous faictes, souffrez et laissiez le abbe, ses religieux et serviteurs et chacun deulx oudit nom bre plainement et paysiblement joyr et user, sans le faire , mettre ou donner, ne souffrir estre fait, mis ou donne en corps ne en biens aucun destourbir ou empeschement au contre, ains saucun leur estoit fait, le levés et ostes incontinent et sans délais, cestes nos dictes lettres veues, car tel est nostre plaisir. Pourveu toutesvoyes que lesdicts abbe, religieux et serviteurs ne feront, diront ou pourchasseront chose aucune préjudiciable a nou3, nos pays, seigneuries et subgets. Auquel cas ce ne prejudicera que a lui fractes ou infractes, demourant nosdictes présentes, quant aux autres, en leur valeur et vertu, et que ycellui abbe sera tenu de respondre pour sesdicts religieux et serviteurs. Et pour ce que de cesdits présentes Ion pourra avoir affaire en divers lieux, nous voulons que au vidimus dicellui, fait soubs scel autenticque ou copie collationnee et signée par lun de nos secré taires, foy soit adjoustee comme au présent original. Donne en nostre ville d'Anvers, soubs nostre nom et signet armoye de nos armes cy mis en placcaet, en absence de nos seaulx, le xxime jour de Décembre lan de grâce mil 1111e I1II" et huyt, et du règne de nous roy, le treizième. Ainsi signée Maximilian et du secrétaire A. De Witte. En tesmoing de laquelle vision nous avons ces présentes lettres, par manière de vidimus sur ce faictes, fait seeller de seel aux causes de ladicte ville de Nyeuport, le xxyii' jour de Janvier lan mil (111° HH" et huyt.

Collatioue au lorriginal par moy,

Ds Techelaere

260

SUITE DES BULLES.