Nos Arnulphus decanus, totum capitulum Curtracense, notum facimus presentibus et futuris presentes litteras inspecturis. Quod cum controversia diu fuisset inter ecclesiam de Dunis, ex una parte, et homines nostros, videlicet Philippum de Maldeughem et Aelidim, domicellam de Zaemslachte, uxorem ejus, et Oliverum de Axle et Hugonem Sobe, cum uxore sua, et Poponem filium Splenters et Arnulphum filium ejus, ex altera, super quibusdam decimis terrarum a prefata ecclesia noviter dicatarum. Tandem pro bono pacis dictus Ph. de Maldenghem cum uxore sua et prefatus Oliverus in dominum Franconem, bone memorie prepositum Brugensem et Flandrie cancellarium, Hugo vero Sobe cum uxore sua in Nicholaum abbatem de Dunis, cysterciensis ordinis, et fratrem Petrum, Arnulphus vero filius Poponis Splenters, in fratrem Petrum predictum et Johannem Vossard unanimiter compromiserunt; quorum dictum tale fuit super controversia memorata, quod predicti homines nostri perci- perent decimas de terra Elfdic infra terminum quo dinoscitur quondam fuisse dicata. Terram vero, que dicitur Groethort, cum omni terra jacente inter Elvam et dicum, quo terre de Vrankendike quondam fuerunt dicate usque ad Scoudedam, habentes pro novalibus a prestatione decimarum, dunensem ecclesiam in perpetuum liberam censuerunt et immunem; postmodum vero Roem de Lokerne, maritus relicte, Ph. de Maldenghem cum eadem uxore sua et pre- dicti Huo Sobe, pro se et uxore sua, et Arnulphus filius Splenters prefato dicto assensum coram nobis adhibuerunt. Nos igitur prefatum pictum tam pro nobis quam pro nostris hominibus supradictis ratum habemus et gratum, et tanquam domini dictarum decimarum sigillis nostris confirmamus. Datum anno Domini M0CG°X°L primo, mense Aprili, feria tercia post Resurrectionem Domini.

323