XVI. — N° 151. De censuariis ad solutionem compellendis. Clemens episcopus servus servorum Dei, Dilecto filio .. decano ecclesie sancti Audomari morinensis diocesis salutem et apostolicam benedictionem. Insinuarunt nobis dilecti filii .. abbas et conventus monasterii de Dunis cisterciensis ordinis, morinensis diocesis, quod nonnulli ecclesiastici et laici Morinensis, Tornacensis et Atrebatensis civitatis et diocesis qui grangias, maneria , feuda, molendina, prata, nemora, usuagia, piscarias et jura, jurisdictiones, terras, domos, possessiones et alia bona sub annuo censu seu redditu a monasterio ipso tenent censum sive redditum hujusmodi dictis abbati et conventui ut tenentur exhibere, non curant, quamquam iidem ecclesie et laici grangias, feuda, maneria et alia bona predicta pacifice possideant et quiete, ac fructus cum integritate percipiant eorumdem, propter quod dictis abbati et conventui non modicum imminet detrimentum. Quare iidem abbas et conventus nobis humiliter supplicarunt ut de opportuno sibi et dicto monasterio super hoc remedio subvenire, paterna diligentia curaremus. Quocirca discretioni tue per apostolica scripta mandamus quatinus, si est ita dictos clericos et laicos, quod censum seu redditum