Wy Phillips de Visch, rudder, Heinryc van den Hove, Clais van der Bourgh, Boudene van Ysenberghe ende Jan Ghelgiaerd, mannen ons heren sgraven van Vlaendren, scepene ende coeriers in Veurnambocht, doen te weitene allen lieden, dat Clais de Clerc ende Jacob de Clerc, porters in Duinkerke, Jan de Clerc, Willem uter Meed, Michiel de Portcre ende Kateline Boudens Clercs moeder wedewe weizende, alle vander prochie van Bieren, Willem Boyd- tac ende Clais de Ledeghe, porters in Berghen , camen voor ons ende beloveden bi hare trouwen ende up de peine van tween hondert ponden groteu tornoys daer zy hemlieden in verbon- den hebben alle te gadere, ende up haerleider goed, so waer ende onder wien dat gheleghen es of mochte zyn vanden present ende toe te commene. Ende elc zonderlinghe ende over al te houdene ende te vulcommene tsegghen van myn here dcn abt van den Dunen vanden goenen die hi te zincn rade nemen zal of van den goenen die hire meide lasten zal, of in zine steide stellen zal van alder wanconst, mesgryp of mesdaet, die Bouden de Clerc, Frans de Clerc, Sanders Buerse ende Omaer de Visch, gheheten Buerse, mesgrepen of mesdaen moeghen hebben, jeghen myn here den abt van den Dunen vorseid of jeghen de kerke vanden Dunen, in dje mesdaet die zy daden up broeder Willem Boelinne, conveers van den Dunen. Ende waert so dat Boudene de Clerc, Frans de Clerc, Sanders Buerse ende Omaer de Visch, gheheten Buerse , of de hare ghinghen of daden jeghen tsegghen vorseid of in ghe- brecke waren in enighen pointen, tsegghen te houdene ente vulcommene dat het wesen zoude up de peine van den tween hondert ponden groter tornoys vorseid verbuurt te weizenc, dats te weitene teen dardendeel onzen here den grave van Vlaendereu, tander dardendeel den bisscop van Tarenburgh ende tarde dardendeel myn here den abt ende der kerken van den Dunnen vorseid. Ende voort so gheloveden die vorseide personen over Bouden den Clerc, over Frans den Clerc over Sanders Buersen ende over Omaer den Visch, die men heet Buerse, vorseid, ende over alle die hare die welke zy aldaer ter steide vcrvinghen den vrienden enten maghen van broeder Willem Boeliune vorseid te houdcne ende te doen houdene ewelike tallen daghen goeden paeys ende goed zoendinc ende waert dat yemene de contrarie dade jeghen enighe van hemleiden dat het weezen zoude up gherechte zoendincbrake ende np morden. Emmer altoos behouden tverbint datter voren ghedaen es, jeghen minen here den abt vorseid up de peine van twe houdert ponden groten ende dat staende in zine viertuut ende onglie- mindert in allen tiden ende hier omme in kenncsscn der wareiden hebben wy mannen

758

scepenen ende coeriers vorseid onse zeghelen ghehanghen an deize lettre, ghemaect int jaer ons Heren duzentich drie hondcrt neighen ende zestich, up den vier ende twintichsten dach van Laumaend.