Int jaer ons Hcren als men sine Incarnatic screef dusentich twe hondert tachtentich ende

twe in meye avende, de cuere ende de meentucht van Heyensluus droech overen: dat zo wie

dat sluus meester sal ziin iof ontfanghere binden zelven ambochte upt Vrie, iof upt der

canoeneke, dat hiet sal ziin sonder salaris cndc sonder enigghen cost der up te doene ende

bi sinen eede, ende dye scepenen diere ghelike, ende van alden ghescoeten die men scieten

sal van ghelde, soe zal elc meenten ghelden sinen hontman zyn ghescoet binne drien zoen-

daghen gheboden ende die dies niet ne dade binne desen vorseiden drien gheboden dat die

hontman zal innen up sine meentens binder naester woeke daer na metter tinvoude sonder

enich profiit zelve daer of te hebbene ende ne ghoude die hontman niet over hem ende over

alle zine meentens bin desere vorseider woeke soe zoud de ontfanghere panden binder woeke

daer na up den houtman van hem ende van alle zinen meentens metter tinvoude, ende

dese vorseide tinvouden bede van meentens ende van hontmannen alle zullen zie tsambochts

ziin cnde alle dic ghescoete die men sciet van ghelde die zalmcn panden mettcn vrien

scoutete. Ware oec dat zake dat enich man ware portre iof cleret iof buten ambochte wo-

nende, soe zal nict moegheu innen up zine tsenzers iof up den ghoeuen die dat land noot,

iof ploot, iof up hare ghoet soe waer dat ment vind binne Brughambocht met alzc zulker cuere

alze hier vorseid es, ende niemene soe ne es ghebonden langher te zine sluusmeester

iof te ontfanghere danne een jaer, het ne zie bi haer lieder wille. Ware oec dat zake dat

iemene hier na maels dese cuere bracke, alze dat hie enigghen cost haelde van sluus-

meesters scepe, iof van ontfangherscepe, soe zoude dese sluus meesters ende ontfanghers

diis Jhan van Cleiem, Bobrecht van Baessuale, Boudene van den Walle, Boudene de Moenec,

ontfanghers de abt van der Does, Jhan Bertholfs soene.hebben aUe zuilken cost ende alze

zuilc salaris alze de ghoene hadden die voer hem waren, ende soe wat honte dat men

coopt daer over zullen ziin alde sluus meesters ende ontfanghers ende de meesters van

sinte Jhans huus, iof man van zinent halven hem lieden ne lette zin. Vort es ghecurd dat

nimene ne mach ghelt woekeren up tambocht het ne ware bi ghemeenre cuere, het ne

ware dat zake dat tland laghe in vresen van invloeds te wordene. Vort es ghecurd dat

men alle waterganghe cnde alle dike zal deelen ende dat men elken hontman zal gheveu

siin deel ende cavelen; ende dat soe zal men bedriven met diicscepenen ende metten

waesscoutete met alze zuilker cuere als mer toe maken zal ende cen vrie scepene z.a'

hebben alze vele machten, alze twe diicscepenen, ende dese miin here Jhan van Utkerke,

629

miin here Jhan de Hamer, ruddera, Diederic de Vos, Jhan van Poele, Hughe de Grote, Willem van Cleihem, Lambrecht Diderics soene, scepenen van den Vrien, die binden hem van al dat ter vorseider wateringhen van Heyensluus te doene es van dat te haren scepen- doeme behort sonder salaris te pinenne ende sonder enigghen cost up tambocht vorseit te doene. Ende omme dat wie vorseide scepenen waren over alle deze dinghen diere voren ghescreven staen endc zie wettelicke ghehandelt waren ende ibannen in de vrie virscarne bi maninghen van den ghoenen diet wettelicke doen mochte cnde zie vast bliven endc ghestade, soe hebben wie dit ghescrifte ghezeghelt met onsen zeghelen uthanghende. Dit was ghedaen int jaer ons Heren als me sine Incarnatie screef dusentich ende twe hondert tachtentich ende twe, upten eersten saterdach van Meye.