Wie Clais Pieters, als schouteten, Micliicl Crakebeen ende Willem de Hoedemakere, sche- penen in Brucghe, in dien tiden dat dcse dinghen vor ons waren ghedaen, doen te wetene allin den ghoenen die dese lettren sullen sien iof horen lesen, dat cam vor ons alse vor den schouteten ende vor schepenen, der Pauwels van den Walle ende gaf halm ende wettelike ghifte Riquaerd den Ruede, den ouden, van ere schuere ende vander hofstede daer die schuere up stact, staende in Snacgaerds strate, behoost alf den huus datter ver Catelinen van den Walle was in haer laetste liif ende van allen den mueren die staen beoostalf der vorseider schuere, bachten bede daer een stal ghesceerd es ende ene stille camere also varre alst den here Pauwelse van den Walle toe behord, naeste Claren Frans huus up ser Gillis land van Aertrike ende der andre diere toebehoren, ende der Pauwels van den Walle vorseid wedde ende belovede Riquaerde den Ruede, den ouden, vorseid dese vorseide schuere, staende ter vorseider stede, te wetten, te waerne, ende te waranderne met al datter toebe- hord, erdvast ende naghelvast an es, te Riquaerds Rueden shouden, vorseid vrjen eighindoeme tieghen elken mensche met viif scheleghen ende tien peneghen parisisen siaers te rechten landchense. In kennessen van desen dinghen so hebben wie schouteten ende schepen vorseid dese lettren uuthanghende bezeghelt met onsen zeglen. Dit was ghedaen tsaterdaghes vor sinte Maerx daghe, anno Domini M° CCC° vive ende dartich.

70.i