A. S" Andree, G. de Ekout, dicti abbates, W. prepositus, R. Decanus totumque capitulum S'' Donatiani in Brugis, omnibus presens scriptura inspecturis eternam in Domino salutem. Universitati vestrse notum esse volumus quod abbas et quidam monachi de Thosan ex parte ecclesie sue in nostra presentia constituti, quaradam summam pecunie quam ab abbatibus ordinis cistersiensis de insula Dr. et de loco D. in Dacia, sub uomine depositi susceperant custodiendam, cum debita integritate salvis sigillis ac seris quibus signata erat, magistro Symoni scriptori Domini Pape qui auctoritate ipsius eam in Dacia collegerat, fideliter reconsignaverat. Sed quum prefati abbates et monachi persone ejus- dem Symonis nullam habuerant notitiam ad cautelam et ad securitatem iufrascriptum authenticum Domini Papc quod ad omnes prelatos Dacie Dominus Papa per ipsum misit necnon in transcriptum litterarum quas Episcopi ejusdem regni Domino Pape remiserunt sibi in testimonium reconsignationis pecunie sub forma subjuncta reservaverunt. Gregorius Episcopus servus servorum Dei, universis prelatis et clericis per Daciam constitutis salutem et apostolicam bcnedictionem. Ne sancte Romane ecclesie negotia quibus intervenire non possumus per nos ipsos negligere videamur, expedit ut ea illis committamus fiducialiter exsequenda de quorum diligentia effecit nos experientia longa certos. Cum itaque dilectum filium magistrum Symonem, scriptorem nostrum, qui nobis est acceptis servitiis merito gratiosus et de cnjus prudentia nos et fratres nostri plenam fiduciam obtinemus, in Daciam

132

duximus destinandum collectionem decimarum, receptionem censuum denarii Beati Petri et cujus- cumque alterius pecunie que ad nos quocumque modo aut ad terre sancte subsidium noscitur pertinere nec non et aliorum agendorum exsecutionem ei commisimus confidenter. Quo circa universitatem vestram rogamus et monemus attente per apostolica scripta mandantes quatenus ipsum benigne recipieutes et honeste tractantes super iis efficaciter intendatis eidem et ea sibi sine difficultate solvatis et faciatis exsolvi. Itaque quum in boc nostre devotionis cognoscentes affectum grata nobis debeamus vicissitudine respondere alioquin summam quam idem tulerat in rebelles, ratam habebimus et faciemus auctore Domino firmiter observari. Datum Perusii pridie Idibus Januarii, pontificatus nostri anno 2°. Sanctissimo in Ghristo Patri et Domino Gregorio Dei gratia sancte Romane ecclesie summo Pontifici V, miseratione divina Londinicnsis archiepiscopus Swetinus primas cum suis suffraganiis tam devotum quam debitum in omnibus famulatum. Per litteras quas magistro Symoni scriptori vestro noviter destinastis intelleximus specialem nobis a clementia vestra gratiam esse factam super eo videlicet quod benignitate paterna cumpatientes nobis qui arctarnur grandi inopia tum propter redemptionem serenis- simi regis et quorumdam ex coepiscopis nostris ac fere omnium nobilium terre quos proditor ille tyrannus, peccatis nostris exigentibus, detinebat captivos tum etiam quod pcstilentiali morbo regni nostri pecoribus proximo anno preterito interemptis in instanti anno plaga gravior nos afflixit, fames siquidem valida que maximam populi multitudinem vita privavit preter eos quos temporis inequalis dispositio interfecit, eidem magistro mandasti quod summam mille marcarum argenti pro satisfactione decime reciperet a nobis et subditis nostris in subsidium apostolice sedis oblatas. Grato igitur et jucundo animo recipientes gratiam ipsam sanctitati vestre grates referimus humiles et devotas significantes quod sum- mam ipsam non sine magno rerum dispendio fecimus congregari et jam cum argcntum et aurum nostrum hostes nostri possideant in detrimentum animarum suarum, compulsi sumus liquefacere cupream monetam nostram et eligere inde argenti modicam portionem. Propter quod et alios nostre terre defectus quidam nostrum et subditorum nostrorum non solum decimam sed ultra in ipsa summa solverunt, volentes aliorum solvere defectus quos a solutione decimarum evidens inopia excludebat. Verum cum ecclesie Romane matris nostre semper cupimus gratis obsequiis complacere ipso magistro infirmitate gravi corporis prepedito et familia sua mortis dispendio spoliato , nos summam predictam coram eodem magistro ponderatam et eam ad portum Ripensem venire fecimus in Flandriam transmittendam et in monasterio cistersiensis ordinis quod Does vocatur, juxta Brugas, deponendam ac eidem magistro cum venerit assignandam. Datum Ripis quinto idib. Augusti. Nos autem cum presentes fuimus et vidimus omnia et audivimus, supradictum magistrum Symonem confitentem integre sibi esse redditum quidquid per supernominatos abbates in superius memorata ecclesia de Thosan erat ex parte ipsius depositum, et ipse coram nobis ecclesiam ipsam quittam clamavit et nos presenti pagine sigilla nostra apponi fecimus ut tam moderni quam posteri scire valeant quam fideliter eadem pecunia servata, quam integre et debito' modo sit restituta. Actum anno Domini, 4231, 12° kal. Januarii.

133