In nomine Patris et Filii et Spiritus Sancti. Amen. Omnibus presens scriptnm inspecturis, Theodericus, dominus de Beverna, castellanus de Dixmuda, et Elizabet uxor ejus, salutcm et sinceram iu Domino dilectionem. Noverint universi quod libere contulimus ecclesie beate Marie de Dunis pisam anguillarum annuatim, uxore mea Elizabet et fratribus meis, Badulfo canonico Belvacensi, Balduino et Willelmo consentientibus et manus apponentibus, super omni piscatione nostra in aqua, que vocatur Ysara, de primis anguillis post festum beati Martini sicut ad retia venerint perpetuo possidendam, pro anniversario patrum et matrum nostrorum singulis annis faciendo et pro salute nostra et nostrorum deinceps successorum, ita quod predicta pisa anguillarum ad pitantiam conventui impendatur et in nullos usus alios convertatur. Que si alios in usus converteretur, reservavimus nobis et heredibus nostris liberam potestatem, dictam pisam anguillarum ad nos revocandi. Quod si forte dicta aqua de Ysara, aliquo eventu ad siccHatem devencrit, dicte ecclesie assignavimus quadraginta solidos Flandrensis monete, supra omnem terram quam infra parochium de Dixmuda possidemus, ad pitantiam sicut pnus impendendos. Preterea concessimus eidem ecclesie quod si ob aliquam aeris intemperiem, vel eventum alium, in aliquo anno non caperentur anguille, in anno proximo cum omni integritate pleno jure recuperarentur. Ut auteln hec nostra donatio rata et firma permaneat, presentem paginam sigillorum nostrorum appensione duximus robo- randam. Testes autem qui- interfuerunt sunt isti: Johannes capellanus noster, Johannes et magister Lambertus, presbyteri de Dixmuda, Lambertus presbyter de Woma, dominus Riquardus, patruus predictt Theoderici castcllani, Albertus, Willelmus et Bahluinus, milites, fratres sui. Actutn anno gratie millesimo ducentesimo vicesimo secundo, idus Maii.

512