profitum nostrum.

Nous Guis, cuens de Flandres et marchis de Namur faison savoir a tous ke nous avoDS otroiiet a religieus houmes nos bcens amis le.. abbet et le.. convent des Dunes, kil puissent fare leur pourfit de ciunquante bouniers de leur muer, ki gist desure leur court de le Lepe vers Assenede et avoir leur aise par nous" watregans puer les dis ciuncquante bouniers fonir et meneir sans a censir et sans vendre en gros et parmi ce il nos doivent ciunc cens livers de le monnoie de Flandres, a paiier a ciunc ans, chascun an cent livres, dont il nos doivent paiier le premieres cent livres a le fieste Saint Remi, ki sera en l'an de le Incarnation nostre Seignur mil deus cens quatre vins et wit et einsi dan en an a chas- cune fieste Saint Remi apres continuelment en siuant cent livres jusques adont ke les dites ciunc cens livres nos soient plainement paiies. En tiesmoignage et en seurte de laquel chose nos avons al abbeit et au couvent devant diis ces presentes lettres donnees, saielees de nostre saiel. Faites en l'an de grace mil CC quatre vins et wit, ou mois de Avril.