Gregorius episcopus servus servorum Dei, venerabilibus fratribus Remensi archiepiscopo et suffraganeis ejus et dilectis filiis abbatibus, prioribus, decanis, archidiaconis et aliis ecclesiarum prelatis per Bemensem provintiam constitutis, salutem et apostolicam benedictionem. Cum abbates cisterciensis ordinis, tempore consilii generalis, ad commonitionem felicis recor- dationis Innocentii pape, predecessores nostri statuerint, ut de cetero fratres ipsius ordinis, ne occasione privilegiorum suorum ecclesie ulterius gravarentur, de alienis terris et ab eo tempore acquirenclis, si eas propriis manibus aut sumptibus colerent, decimas persolverent

275

ecclesiis quibus ratione predictorum antea solvebantur, nisi cum eisdem ecclesiis alitef ducerent componendum, idem predecessor noster, quia sperabat ut ecclesiarum prelati proniores et efficaciores existerent ad exhibendum eis de suis malefactoribus justicie comple- mentum et eorum privilegia diligentius et perfectius observarent, statutum hujusmodi gratum habens et ratum, hoc ipsum ad alios regulares, qui similibus gaudent privilegiis, extendi voluit et mandavit. Sed quod dolentes referimus in contrarium res est versa, quia sicuti ex inculcata querela dilectorum filiorum abbatis et fratrum monasterii de Dunis , morinensis diocesis, ordinis supradicti, frequentius audivimus, non nulli ecclesiarum prelati et alii cle- rici eorum privilegia temere contempnentes et contendentes maliciose ipsorum pervertere intellectum eosdem multipliciter inquietant. Nam cum sit ipsis indultum ut de novalibus que propriis manibus aut sumptibus excolunt, sive de ortis virgultis et piscationibus suis, vel de suorum animalium nutrimentis, nullus ab eis decimas exigere vel extorquere presumat, quidam perverso intellectu conficte dicentes quod hec non possunt, nec debent intelligi nis de hiis que sunt ante generale concilium acquisita, ipsos super hiis multiplici exactione fatigant. Nos igitur eorum quieti paterna sollicitudine providere volentes, universitati vestre per apostolica scripta mandamus, quatinus dictos fratres a prestatione decimarum, tam de possessionibus habilis ante concilium memoratum quam de novalibus sive ante, sive post idem concilium acquisitis que propriis manibus aut sumptibus excolunt, necnon de ortis virgultis^ piscationibus suis et de suorum animalium nutrimentis, singuli vestrum omnino servetis immunes. Contradictores per censuram ecclesiasticam appellatione posposita compescendo. Datum Rome, apud Sanctum Petrum. II Idus aprilis, pontificatus nostri anno secundo.