Reversalen Leutolds von Chunring, dafs nach seinem Tode die Burg Windeck nebet Zugehür dem Hochstifte Regensburg heimfallcn soll.

Ich Leutolt von Chünring Schench in Oesterrich tun allen den chunt, di disen brief ansehent, dar ich meinem lieben Herren dem Bischof Heinrich von Regenspurch und sinem Goteshause erchant und vergehen han, und mich mit disem brief dazu gebunten han, daz min Burkch Windekk, di ich ze leben han yon im und dem Gots- hause ze Regenspurch, und allez, daz darzu gehört, versucht und un versucht, ez si eigen oder lehèn oder Vogtai, di min eigen sin, oder ich hab si ze lehen von dem Gotshause in dem Luzz, in der Ried march oder auzzerhalb, swi ez genannt ist, als ez verschriben ist ад ¿en briefen, di wir beid unter einander haben gegeben, und mit des Herzogen Albrehts Insigel von Oesterrich, und auch mit dem unsérn versigelt sint, daz vorgenannt Gotzhaus von Regenspurch rgäntzlich und ledichlich angevallen soll mit allem dem Gut, daz er mir ingeantwurtt hat, ob ich di Gnad von Got gewinn, daz ich mich in einen geistlichen orden begib, daz ich erben gewinn, di sün sint. Ez sol auch dem Gotshaus niht schaden, daz di Vogtai an den vorgenannten Hantvesten niht genennet sint: ich bind auch mich mit disem brief, daz ich dem Gotshaus von Regenspurch wi derlegen und erstaten sol mit ander minem Gut, swaz ich miner dann 3o tt. Gült dem vorgenannten Bischof antwunt ze Windekk on Ghriekch und on Gevärd. Ich vergich auch, daz mir di schrift niht frumen sol, di an den vorgenannten Hantvesten stet, über daz wort, ob ich erben gewinn, dez vergich ich, daz daz allein auf di sün gehen sol, und aut dhein min Tochter, oder auf dh einen andern minen Vriund, und auch ander sache, daz daz gut Gell und A y st« hoven min leipgeding sol sin, daz mir уод dem vorgeuannte^JBi«;

schof geantwurtt ist, und widersag allem geistlichen und weltlichen ~reht, daz mir daz iht gehelfen müg, ez werd allez dem Gotteshaus ledtch, alz ez vorgenannt ist ze hanr, alz ich mich in ein Closter be gib und im geistlichen orden erschein. Ist aber, daz ich einen sun oder mer sün gewinn, e* daz ich mich begib, di mich überlebenr, so sol mir allez daz stät beleiben und auch denselben siinen, und gänzlich für sich gen, daz mir unter des Bischofs und des Capitels Jnsigel von Regenspurch verhantvestet und bestätigt ist, und sol die ser brief fürbaz gar zeniht sin. Daz daz also stät beleih, alz ez hie geschahen ist, darüber han ich disen brief minem vorgenannten Herren dem Bischof von Regenspurch gegeben, versigelt mit minem Jnsigel. Daz ist geschehen datz Wienn nach Christes Geburt" 1287. Jar, an sand Katarein tag.

Sigillum affaire sculptum equeitre adpendet: eques dextra poculum tenet.