Ego Galterius, Dei gratia Eduensis episcopus, universis praesentem paginam inspecturis notum facimus quod Galterius, miles de Monte Barri , dedit Deo et ecclesiae Sanctae Mariae Fonteneti, pro remedio animae suae et antecessorum suorum in perpetuam donationem, omnia quaecumque juris habebat in foresta quae est super eamdem abbatiam et quicquid juris habebat in territorio ejusdem forestae usque ad magnum chiminum quod ducit Sanctum Jacobum . Recognovit etiam idem Galterius quod nullus hominum suorum, neque aliorum aliquis, usuarium debet habere in memorata superius foresta. Hanc autem eleemosynam laudavit et approbavit bona fide uxor ipsius Galterii Emengardis, cum fratre suo Odet , de quorum capite erat, et mater ipsius Emengardis, Gilla nomine, et filius ejus Simon, cum sororibus suis Maria et Aaliz. Quod totum ut ratum sit et firmum manere valeat in perpetuum, ad petitionem memorati Galterii et uxoris suae et Odonis fratris ejusdem uxoris, praesentem paginam sigillo nostro jussimus roborari. Actum est hoc anno ab incarnatione Domini millesimo CC quintodecimo.