Ego Stephanus Dei gratia Eduensis episcopus, notum fieri volo presentibus et futuris quod Oliverius filius Brutini dedit ecclesie Fonteneti totam terram quam habebat in summitate campi Flaciaci desuper chiminum versus Saigniacum sub annuo censu vi denariorum in marcio reddendorum. Item unum jornale retro Flaciacum pro uno denario censuali. Item pratum de Noa Beleth pro iiii denariis census. Laudavit etiam et concessit omnes elemosinas quas eidem ecclesie fecerant antecessores suis, sive avunculi ipsius, et omnia tenementa de quibus eo die investiti erant Fontenetenses bona fide guerpivit. Inde habuit de beneficio ejusdem ecclesie tam ipse quam uxor ejus viii libras. Horum omnium testes sunt Odo decanus Montis Barri , Osmundus de Plaaneto , Rainerius de Sancta Columba . Qui Rainerius graantavit se responsorem esse de hiis omnibus si predictus Oliverius eidem ecclesie garentiam portare non posset aut nollet. Hoc etiam laudavit Laura uxor predicti Oliverii . Unde testes sunt Wido presbiter de Cumigne , Johannes miles ejusdem ville, Rainerius Martros et Haymo filius ejus. Ut igitur hec imposterum rata firmaque permaneant, presentem cartam sigilli nostri inpressione munientes ne quis hiis contraire presumat sub anathematis sentencia interdicimus.