Notum sit omnibus tam presentibus quam futuris quod ego Rainaudus abbas Flaviniaci , consilio et et assensu seniorum et obedientialium ecclesie nostre invadiavimus fratribus de Fonteneto quicquid juris habebamus in territorio qui dicitur Juigne tam in bosco quam in plano pro l libris proviniensium, pasturas et pastiones preter tenementum prioris de Cancellis et tenementum hominum nostrorum prata videlicet et terras quibus in presenti investiti erant et preter usum forestarii. Prior autem jamdictus singulis annis si voluerit xv porcos in pastione mittere poterit, homines vero nostri nulos. Fratres autem Fonteneti in bosco et in plano arare et excolere et omnes aasentias suas sine ulla costuma reddendo facere poterunt. Aasentias nichilominus ecclesie nostre proprie ibi retinuimus, excepto quod dare aut vendere non poterimus. Et sciendum quod gageria ista infra ve annos redimi non poterit. Deinde vero de martia in martium. Huic rei interfuerunt isti : Odo prior Belli Loci , Johannes decanus, Petrus subprior et sacrista, Hugo Piscis camerarius, Hugo prior Semuri , Herveius de Monte Sancti Johannis , Petrus elemosinarius, Drogo prior de Grinum , Stephanus cantor, Petrus de Buxi , Petrus notarius abbatis , frater Phylippus de Fonteneto , Humbertus et Andreas cellerarii, frater Hugo de Tullione , frater Rainaudus magister Puteoli . Actum anno incarnationis Domini m° c° nonagesimo.