Ego Gauterius Dei gratia episcopus Eduensis , notum facimus presentibus pariter et futuris quod Robertus Odrez miles et Hodierna uxor sua de cujus capite erat dedit in perpetuam elemosinam ecclesie et fratribus Fonteneti xvii denarios censuales quos idem fratres debebant eis de quadam teneura que est apud Estormer et alios xviii denarios censuales apud Fanium et iiii or denarios apud Visarne quos illi debebant eis qui dicuntur Boschet . Preterea quitaverunt eis quicquid habebant infra metas de Jorz et omnes alias querelas quas adversus eosdem fratres habebant bona fide quitaverunt. Humbertus etiam de Jorz , serviens eorum, quitavit predicte ecclesie quicquid calumpniabatur in decima Ampilleii. Hec omnia laudaverunt dictus miles et uxor ejus et concesserunt sepedictis fratribus elemosinam quam Robertus major fecerat eis de decima Ampilleii quam de casamento suo erat. Hec omnia laudavit filius eorum Guillermus. Et ut hoc ratum et firmum permaneat presentem paginam sigilli nostri impressione fecimus roborari. Actum est hoc et laudatum Haymone archidiacono Flaviniaci et Willermo de Chaaci clericis nostris presentibus. Anno verbi incarnati m° cc° ix°, mense junio.