Ego O. dux Burgundie , presentibus et futuris notum fieri volo quod cum Osmundus miles de Rubeo Monte dedisset in elemosinam piscaturam in aquis suis pasturas et aasentias in omni terra sua in bosco et plano, in monte et valle ecclesie sancte Marie de Fonteneto, Humbaudus filius ejus, cum eamdem elemosinam diu reclamasset, tandem prudentum virorum usus consilio supra dictam elemosinam et laudavit et donavit tam ipse quam uxor ejus Demeruns . Superaddidit etiam idem Humbaudus predicte elemosine quecumque necessaria fuerint pastoribus ibidem ad pascenda pecora commorantibus, ligna scilicet ad faciendum focum et ad construendam bordam et rameriam. Si vero ipsi vel animalia eorum aliquod dampnum intulerint ubi dampnum probamen fuerit reddentes capitale liberi erunt et quiti. Et ut ratum permaneat sigilli mei auctoritate presentem paginam roboravi. Hujus doni et elemosine testes sunt Bernardus abbas, Johannes et Andreas monachi de Fonteneto, Josbertus de Mise , Garinus Alirez , Bernardus Pautinus . Actum est anno ab incarnatione Domini m° c° xc° ix°.