5 i Donum Roberti de Sarmasia et Milonis. Robertus de Sarmasia et Milo frater ejus, laudante Ermengarde ejusdem Roberti uxore, dederunt ecclesie sancte Marie de Fonteneto quicquid habebant apud Puteolum Francum et nichil inibi retinuerunt. Hujus doni testes sunt Odo miles de Fontanis, sororius predicti Roberti, Robertus major Tullionis et de eadem villa Arbertus, Petrus, Rainardus, Tecelinus de Fontanis , Rainardus anglicus scriptor, Jocelinus, Seguinus. Actum est hoc ante portam Fonteneti in manu abbatis Willermi. Habuit de beneficio predicte ecclesie jamdictus Robertus viii o libras proviniensis monete et Milo frater ejus iiii or libras. Magna quippe ecclesie dederant ideoque justum fuit etiam in hoc seculo aliquid consolationis accipere.

ii . De dono Willermi de Duismo Villermus de Duismo , laudante Aganone fratre suo et Rainerio nepote suo dedit in elemosinam ecclesie de Fonteneto siquid proprium habebat apud Puteolum Francum et quicquid ab eo inibi a quolibet tenebatur si adquirere possent similiter dedit et concessit. Hujus rei testes sunt Josbertus frater supradicti Willermi, Haimo martolius, Ascoldus de Castello , Henricus Ordeum, Girardus parvus, Vibertus filius Radulphi Barbati .

iii .De dono Galonis Flaviniacensis fratris ejus Galo Flaviniacensis et uxor ejus Aalidis, laudante Haymone filio eorum, dederunt ecclesie sancte Marie de Fonteneto quicquid habebant apud Puteolum Francum. Hujus rei testes sunt Humbertus de Vulle , Willermus mala pars, Rolandus de Frolesio , Petrus de Arbois , Arnoldus archipresbiter postea Sedeloci decanus, Wido presbiter. Habuit tunc temporis hujus doni occasione predictus Galo cum conjuge sua quadraginta solidos de beneficio Fonteneti. Alia quoque soror predictorum Milonis et Roberti, uxor scilicet Hugonis de Turciaco dedit ecclesie sancte Marie de Fonteneto, laudante eodem viro suo, quicquid habebat apud Puteolum Francum. Testes sunt Gualo ejusdem domine sororius et predictus Milo frater ejus et Robertus tunc domine illius bubulcus. Habuit et hec cum viro suo pro hoc dono de beneficio Fonteneti xv solidos.

iiii De dono Humberti Bracet. Umbertus Bracet et Legardis, uxor ejus , et Banajardis ejusdem femine soror dederunt ecclesie sancte Marie de Fonteneto quicquid habebant apud Puteolum Francum et habuerunt pro hoc dono vii solidos de karitate Fonteneti.  Testes sunt Odo tunc presbiter Duismi , Robertus et Milo fratres de Sarmasia, Josbertus filius Rainerii de Duismo , Rodulphus pelletarius.    Hoc donum laudavit postea Gerardus Banajardi filius. Unde sunt testes Josbertus prepositus, Rainerii filius, Rocelinus et Symon sutor.

v De dono Hugonis de Valle Abonis. Hugo de Valle Abonis , laudante Odone filio suo et Maria filia sua, dedit ecclesie sancte Marie de Fonteneto quicquid habebat in eodem loco Vallis scilicet Abonis et in toto territorio Puteoli Franci. Hoc donum quoque laudavit Dodo et Adelina, predicti Hugonis filia.   Testes sunt Petrus et Matheus presbiteri, Josbertus filius Rainerii, Henricus Ordeum qui et miles, Humbertus de Duismo . Receperunt monachi Fonteneti predictum Hugonem ad conversionem. Uxori autem ejus Sofisie quamdiu in villa Eschaloii mansit aliqua bona in victu et vestitu fecerunt. Postea autem apud Tullionem eam ex toto usque ad mortem procuraverunt. Sed quodam tempore dum adhuc viveret, antequam filius ejus predictus Odo conversus factus esset, ipsa et idem Odo et Adelina predicta et Dodo vir ejus laudaverunt prefatum donum Hugonis apud Puteolum Francum in presentia domini Willermi abbatis Fonteneti et presente Hugone qui donum fecerat jam facto converso. Hujus rei testes sunt Gerardus canonicus Ungiaci , Petrus de Eschaloio, avunculus Petri Maireldi , Girardus predicti canonici sororius, Petrus de Barvin , Girardus et Petrus de Puteolo Franco , Radulphus nepos predicti canonici.

vi De dono Hugonis de Turre. Hugo de Turre pro anima sua et animabus antecessorum suorum dedit ecclesie sancte Marie de Fonteneto Vallem Abonis que est juxta Puteolum Francum cum omnibus appenditiis suis. Hujus rei testes sunt dominus Willermus Nivernensis comes, Hugo de Tilio, predicti Hugonis avunculus, cujus etiam precibus et consilio hanc elemosinam fecit, Rainaldus, Helyas, Ivo Malliaci Castri tunc presbiter, Galterius, Giphardus, Jocelinus de Avalone , Hugo, Landricus. Actum est hoc apud Malliacum castrum in presentia domini Stephani Regniacensis abbatis in manu abbatis Fonteneti Willermi presentibus supradictis testibus et multis aliis.

vii De dono Henrici de Liri. Henricus de Liri dedit ecclesie sancte Marie de Fonteneto, laudante Doa uxore sua et filiabus suis Aoide et Maria, quicquid habebat in territorio Puteoli Franci. Hujus rei testes sunt Martinus et Rainaldus de Liri , Rainaldus filius Roberti , Girardus canonicus, ejusdem Henrici sororius. Hoc donum laudavit Radulphus filius eorum, Henrici videlicet et Doe. Unde sunt testes Henricus de Eschaloio , Robertus et Hugo frater ejus et Lambertus. Receperunt autem monachi Fonteneti predictum Henricum et usque ad mortem eum procuraverunt. Sed et uxori ejus Doe quamdiu mansit Eschaloii sive Liri aliqua bona in victu et vestitu fecerunt. Postea autem apud Tullionem ex toto eam procuraverunt.

viii De dono Teobaudi de Salvia. fol. 278v p. 546, n° 104 Teobaudus de Saliva dedit ecclesie sancte Marie de Fonteneto in elemosinam quicquid habebat infra terminos Puteoli Franci et Suite supprimée et remplacée par "etc." siquid ad eum ibidem ab aliquo sive heritario jure sive alio modo excideret. Terminos autem concessit sicut frater Hugo de Vale Abonis eos per obedientiam abbatis Willermi et concessione ejusdem Teobaudi divisit nichil penitus infra terminos retinuit. Insuper monachis predicte ecclesie omnem de propria eorum terra guirpivit decimam quod nunquam scilicet ab eis decimam acciperet nisi forte alienam terram excolerent, que ad jus decime ejus pertinere videretur. Pactus est etiam quod liberos suos tam filios quam filias cum ad legitimam etatem venirent hoc totum laudare et concedere faceret et nisi hoc faceret duci concessit et monachis ut chasamentum quod ab eo tenebat donec concederent dux ipse haberet. Hujus doni testes sunt ipse dux Hugo, in cujus presentia hoc totum factum est inter Frollesium et Ungiacum, Hugo ejusdem ducis filius, Garnerius de Sumbernun , Rainerius de Rochia , Johannes de Quintiaco , Gerardus de Castellione qui predicti Teobaudi fuerat sororius, Rainaldus Grancei castri dominus. Hoc donum laudavit et concessit uxor sepedicti6 Teobaldi Gundrea nomine sed in palam vocata Sibilla . Unde sunt testes domnus Constantinus Ungiaci abbas et Girardus canonicus, Robertus de Sancto Burri ejusdem domine7 frater Suite remplacée par "etc." . Alia quoque vice eadem uxor Teobaldi et eorum filia Luca nomine laudaverunt et concesserunt predictum donum. Unde sunt testes Hebalus comes Salci castri , Rainerus de Frolesio , Bertalphus et Herlebaldus de Granceio , Hugo de Vileflor , Haimo de Saliva Suite remplacée par "etc." , Hulduinus de Frolesio . Habuerunt autem pro hoc dono de beneficio Fonteneti Teobaldus decem libras et uxor ejus xl a solidos et sex oves cum totidem agnis, et Robertus de Sancto Burri lxx a solidos et Odo Bolguerels xx ti solidos.

ix De dono Hugonis ducis Burgundie. fol. 278v p. 547, n° 105 Hugo dux Burgundie , laudante ducissa Matilde uxore sua, dedit in elemosinam ecclesie sancte Marie de Fonteneto quicquid habebat apud Puteolum Francum. Descendebat autem idem locus de dominio Grinonis castri cujus ipse dux erat dominus. Hujus doni testes sunt Tecelinus archipresbiter Ajennaci , ubi et hoc actum est, Hugo Cavalgeia, Bartholomeus de Sumbernun , Petrus de Eschaloio major, Constantius prepositus Maveli .

x De dono Petri Mairels. Petrus Mairels dedit ecclesie sancte Marie de Fonteneto quicquid habebat apud Puteolum Francum et nichil penitus inibi retinuit. Promisit autem sub jurejurando quod super altari Ungiaci fecit quod nunquam aliquid ibidem amplius calumpniaretur vel haberet. Hujus rei testes sunt abbates Agano Flaviniacensis , Constantinus Ungiacensis , Hugo dux Burgundie cujus ille homo erat et per quam hoc factum est, Pontius de Frollesio , Girardus de Castellione , Odo Boguerels , Galterius frater ejus, Oliverius de Frolesio , Odo de Fontanis . Ad juramentum fuerunt Girardus de Castellione , Pontius de Frolesio , Odo Boguerels , Odo de Fontanis . Pro hac re habuit de rebus Fonteneti predictus Petrus lx a solidos. Hoc donum laudavit uxor ejus Petronilla. Unde sunt testes Girardus de Castellione , Rocelinus de Duismo , Galterius prepositus Castellionis , Petrus de Eschaloio et Humbertus filius ejus.

xi De dono Angerberti de Fraxino. Emgebertus de Fraxineto dedit se ipsum et quicquid habebat apud Puteolum Francum ecclesie Fonteneti, laudante filio ejus Bricio et eadem ecclesia suscepit eum et procuravit usque ad mortem. De dono ejus et laude filii sunt testes Constantius presbiter, Henricus de Eschaloio , Teobaudus gener ejusdem Emgerberti.

xii De dono Garnerii de Sinemuro. Guarnerius de Sinemuro dedit ecclesie Fonteneti in elemosinam quicquid habebat apud Puteolum Francum. Unde sunt testes Hugo de Turre , Renardus de Flaviniaco , Amicus clericus.

xiii De dono Girardi de Eschaloio. fol. 276r p. 562 n° 121 Girardus de Eschaloio, sororius Girardi canonici , laudante uxore sua Rotrude, dedit ecclesie Fonteneti quicquid habebat apud Puteolum Francum et apud Vallem Abonis fol. 276r p. 562 n° 121 . Sed hoc ei monachi ejusdem ecclesie concesserunt ut si in nemore illo examen apum inveniret totum ejus esset. Pasturam quoque ejus propriis animalibus exceptis porcis, sed et ligna ad calefaciendum et edificandum domos concesserunt, ita tamen ut absque concessione magistri grangie Puteoli materiam ad edificandum operari non presumeret, ne forte si inveniretur et nesciretur cujus esset concideretur.    Hujus doni testes sunt Petrus de Eschalo , Henricus, Hugo et Robertus. Alia quoque vice fecit hoc donum presente abbate Ungiaci Constantino et domino Girardo de Castellione , Henrico et Petro de Eschaleio et habuit de beneficio ecclesie pro hac re equam et alia quedam prius habuerat.

xiiii . De dono Petri de Eschaloio qui dicebatur Garlandeis Petrus de Eschaloio qui dicebatur Garlandeis dedit ecclesie Fonteneti quicquid habebat apud Puteolum Francum et se ipsum eidem ecclesie in conversione reddidit. De dono ejus sunt testes Johannes carpentarius de Tullione , Bartholomeus et Bencelinus de Marmania et Garnerius carpentarius.

xv De dono Hugonis militis de Merleniaco. Hugo de Merleniaco dedit ecclesie Fonteneti in elemosinam totam illam terram quam habebat ab Aringiis usque ad aquam Branam totam ubicumque esset sicut eam parciebatur cum domina Lucennaci et Calone filio ejus et cum Teobaudo de Grisini , excepto siquid alodii inibi habebat Garnerius homo ejus de Sani , quod tamen concessit si monachi Fonteneti a Guarnerio adquirere possent. Concessit etiam reliquam partem ejusdem terre si a chasatis qui ab eo eam tenebant adquirere possent. Dedit etiam idem Hugo predicte ecclesie omnes aasentias terre sue in potestate Lucennaci tantum ut ad dampnis pratorum et segetum caverent. Pro his omnibus habuit idem Hugo de beneficio jamdicte ecclesie mulum et pullum duorum annorum. De dono Hugonis testes sunt Teobaudus de Grisineto , Hugo Mautalant de Monte Regali , Willermus filius Hulduinus de Clamice , Josbertus major ejusdem Hugonis et alter Josbertus, Letardus et Bernardus clientes ejusdem et Nocherius de Bussi .    Hoc donum laudavit et concessit Teobaudus filius ejusdem Hugonis sub eisdem testibus excepto Teobaudo et Nocherio de Bussi .

xvi Carta Teobaudi domni de Grisineto. Teobaudus de Grisineto , laudante uxore sua Gertrude, dedit ecclesie Fonteneti in elemosinam totam illam terram quam habebat ab Aringiis usque ad aquam Branam totam ubicumque esset, sicut eam parciebatur cum domina Lucennaci et Calone filio ejus et cum Hugone de Merleniaco . Hujus doni testes sunt Wido et Symon presbiteri, Pontius de Atheiis et alius Pontius, miles de Flaviniaco . Alia vice sicut interdum fieri solet recognovit idem Teobaudus se fecisse predictum donum et itidem fecit. Unde sunt testes Rainerius de Rochia , Rainerius de Pultariis , Gothefridus de Saigni , Robertus de Sancta Columba .    Hoc donum laudavit Gislebertus filius jamdicti Teobaudi . Laudavit etiam donum quod pater fecerat de chasamento Bartholomei de Fraxino , quos scilicet tam Bartholomeus quam frater ejus vel pater eorum ecclesie Fonteneti dederant et si quid adhuc inde eidem ecclesie daretur hoc quoque laudavit. Habuit tunc de beneficio ecclesie pullum duorum annorum. Testes sunt Petrus archipresbiter Lucennaci , Girardus presbiter de Saigni , Rainaldus vicecomes, Humbaldus de Turre , Calo de Lucennaco , Bartholomeus de Fraxino , Haymo de Alisia , Radulphus et Haymo de Saigni .

xvii Carta Calonis domini de Lucenaco. Calo de Lucennaco dedit ecclesie Fonteneti in elemosinam totam illam terram quam habebat ab Aringiis usque ad aquam Branam, totam ubicumque esset sicut eam parciebatur cum Hugone de Merleniaco et cum Teobaudo de Grisini . Sed et prata omnia que predicta ecclesia habebat in Altera valle et in prato Deodati que ad eum pertinuisse videbantur concessit et laudavit. Habuit tunc de beneficio ecclesie vii tem libras divionensis monete et pullum duorum annorum.    Testes sunt Petrus de Lucennaco tunc archipresbiter, Rainerius de Rochia , Walterius de Divione , Teobaudus de Grisini , Bartholomeus de Fraxino , Siguinus de Lucennaco , Verricus de Brabam .    Hoc totum laudavit et concessit Raimundus de Granceio, frater ejusdem Calonis . Unde sunt testes ipse Calo et Josbertus fratres ejus, Siguinus de Lucennaco , Verricus de Braban , Petrus archipresbiter Lucennaci , Girardus de Saigni presbiter. Alius quoque frater Calonis, Josbertus scilicet, id ipsum concessit et laudavit. Unde sunt testes ipse Calo, Rainerius de Frolesio cognatus eorum, Girardus filius Nocherii de Bussi , Verricus de Braban . Sed et mater supradictorum fratrum domina Lucennaci fecit hoc idem donum ex sua parte, laudante Willermo filio ejus quem de domino Burone habuerat. Unde sunt testes Petrus de Lucennaco et Girardus presbiteri. Rainaldus Rufus de Sinemuro , Hugo de Corpeio , Girardus filius Nocherii de Bussi , Rainaldus de Tullione, filius Roberti majoris .

xviii Carta Gisleberti de Columberio de alodio Flaciaci. Gislebertus de Columberio , laudante Hyldegario filio suo, dedit ecclesie Fonteneti in elemosinam totam partem suam de alodio Flaciaci, sicut eum parciebatur cum Obertu milite qui dicebatur Villanus. Et habuit de beneficio ecclesie xx ti solidos. Testes sunt Bartholomeus de Fraxino, miles, Teobaudus presbiter ejusdem ville et frater ejus Petrus, Galterius de Tulione qui dicebatur de Furno . Hoc donum laudavit Agnes uxor ejusdem Gisleberti et filia eorum nomine Letuidis. Unde sunt testes Hugo de Capella presbiter, Johannes presbiter Tullionis, filius Roberti majoris , Rainaldus homo Gisleberti , Teobaudus filius Evam .

xix Carta Oberti Villani super alodium Flaciaci. Obertus miles qui dicebatur Villanus, laudante uxore sua Letuide , que vulgo vocabatur Merilluns , et filia eorum Hulduide , dedit ecclesie Fonteneti in elemosinam totam partem suam de alodio Flaciaci sicut eum parciebatur cum Gisleberto de Columberio . Sed habuit tunc de beneficio ecclesie xx ti solidos. Hujus doni sunt testes Osmundus Guelfra , Walterius homo ejus, Symon prepositus.

xx Carta Girardi de Duismo. Girardus de Duismo, frater Rocelini , laudante uxore sua Letuide, dedit ad annualem censum ecclesie Fonteneti quicquid habebat a rivo Flaciaci usque ad Saigniacum et in Altera valle et in monte super Flaciacum, excepto justo tenemento Radulphi quantum scilicet derationari posset antecessores suos sub costuma tenuisse. Minister enim terre illius pater ejusdem Radulphi fuerat et plus justo inde accepisse poterat. Excepta est etiam quedam terra juxta molendinum Godefridi de Saigniaco quam alodium esse dicebant. Census autem annualis est quinque solidis proviniensis monete, vel illius que sine scambio apud Rubeum Montem curret, et in martio mense reddetur. Pepigit autem idem Girardus et eadem ejus uxor quod contra omnes garanciam ecclesie inde portaret et inde fidejussorem Rocelinum fratrem ipsius Girardi dederunt, eo pacto quod in manu domini Rainerii de Rochia fidejussoriam feceret et si Girardus vel uxor ejus aut nollent aut non possent garantiam ecclesie portare, Rainerius sasiret chasamentum quod Rocelinus ab eo tenebat. Pepigit hoc Rocelinus se facturum. De introitu censualitatis hujus habuerunt Girardus et eadem ejus uxor c solidos proviniensis monete et tres vacas cum vitulis et duas capras. Rocelinus quoque habuit inde x solidos et sextarium frumenti. Testes sunt Boso decanus Montis Barri , predictus Rocelinus, Hylerannus de Marmania , Hugo de Asi et duo clientes, Gislebertus molendinarius et saselinus . Hoc sicut Girardus et uxor ejus fecerunt, concesserunt et laudaverunt fratres ejusdem domine Galerannus, Milo et Bernardus, sed et mater eorum que et predicte Letuidis mater erat. De laude Galeranni et Milonis sunt testes Petrus de Lucennaco, tunc archipresbiter, Calo de eodem castro, Bartholomeus de Fraxino , Verricus de Braban , Radulphus de Saniaco . De laude Bernardi et jamdicte matris sunt testes Raxo decanus, Bartholomeus de Fraxino , Paganus clericus filius Hugonis de No , Bovo et Rogerius de No .    Habuerunt pro hac re tam fratres illi quam mater eorum xx ti solidos provinienses.

xxi Carta supradicti Oberti Villani. Obertus miles qui dicebatur Villanus acensivit ecclesie Fonteneti quicquid habebat a rivo Flaciaci usque Saigniacum et in Altera vale et in monte super Flaciacum, totum scilicet quod parciebatur cum Girardo de Duismo et cum Gisleberto de Columberio in predictis locis et quartum partem tenementi Radulphi de Saigni , que ad eum jure provenerat post mortem avunculi ejusdem Radulphi nomine David sine herede uxoris mortui, excepto siquid de capitibus suis inibi habebant homines ejus, hoc non acensivit. Concessit tamen id ipsum predicte ecclesie si ab hominibus illis adquirere possent. Census autem est quinque solidi proviniensis monete vel illius que sine scambio apud Rubeum Montem curret et in adventu ante natale Domini reddetur.    Pepigit autem idem Robertus quod contra omnes garantiam ecclesie inde portaret et de hoc dedit responsorem Rainardum vicecomitem. De introitu autem acensus habuit xxxv solidos proviniensis monete et sex novalia terre. Testes sunt Rainaldus vicecomes, Rainaldus Caldaria, Helyas de Rubeo Monte . Hoc sicut Obertus fecit laudavit et concessit uxor ejus vulgo vocata Merillums et filia eorum Hulduidis. Unde sunt testes Andreas et Lambertus, filii Astute, et Johannes.

xxii Carta Gisleberti de Columberio de ascensia Flaci. Gislebertus de Columberio acensivit ecclesie Fonteneti, laudante Hyldegario filio suo quicquid habebat a rivo Flaciaci usque Seigniacum et in Altera valle et in monte super Flaciacum totum scilicet quod parciebatur cum Girardo de Duismo et Oberto Villano in predictis locis et quartam partem tenementi Radulphi de Saigniaco que ad eum jure provenerat post mortem avunculi ejusdem Radulphi nomine David sine herede uxoris mortui. Census autem est quinque solidi proviniensis monete, vel illius que sine scambio apud Rubeum Montem curret, et in martio mense reddetur. Fidem autem christianitatis sue dederunt Gislebertus et Hyldegarius quod contra omnes garentiam inde portarent. Sed de introitu acensus habuerunt l solidos proviniensis monete. Testes sunt Boso decanus, Hylerandus de Marmania , Robertus de Tullione major et duo filii ejus Johannes presbiter et Rainaldus. Hoc sicut Gislebertus fecit laudaverunt uxor ejusdem Gisleberti Agnes et filia eorum Letuidis. Unde sunt testes Gaufridus presbiter de Columberio et Rainaldus.

xxiii Carta Evradi de Villenis. fol. 276r p. 562 n° 121 Ebrardus de Villenis dedit ecclesie Fonteneti in elemosinam quicquid habebat a Saigniaco in territorio Flaciaci et Saignisel fol. 276r p. 562 n° 121, avec add. Inter testes Hii de Montebarro. Hujus magnae chartae variis locis, decies minimum, inter testes occurrit Rainerius de Rochia . Testes sunt Nariodus dominus ejus, Rainerius de Rochia , Paganus, Bernardus, Lambertus, hii de Monte Barro et Odo de Marmania . Hoc donum laudavit Acelina uxor ejusdem Ebrardi , Hugo quoque frater Ebrardi laudavit et ex sua parte donum fecit. Sed et Haymo, et uxor ejus Maria Hermengardis et Rogerius filius ejus hoc laudaverunt. Laudis omnium horum sunt testes Radulphus et Ebrardus major Teobaudi de Grisini . Habuerunt pro hac re de beneficio Fonteneti Ebrardus et Hugo frater ejus l solidos ex quibus predictus Nariodus partem habuit quia donum laudavit. De qua laude sunt testes Rainerius de Rochia , Hugo de Plaaneto , Osmundus frater ejus.

xxiiii Carta Galonis filii Nariodi de Monte Barro. Galo, filius Nariodi de Monte Barro , laudavit et concessit ecclesie Fonteneti pro anima matris sue et antecessorum suorum quicquid pater ejus dederat et laudaverat eidem ecclesie apud Aringias et in Altera valle et ibi circa et habuit tunc de beneficio ecclesie pullum. Actum est hoc apud Montem Barrum in logiis decani Bosonis .   Testes sunt ipse Boso , Theodericus presbiter Sancti Remigii , Humbaldus de Turre , Rogerius de Anceio , Helyas de Rubeo Monte .

xxv Carta ejusdem Nariodi. fol. 278v p. 547 n° 106 Nariodus de Monte Barro dedit ecclesie Fonteneti in elemosinam laudantibus filiis suis Gualone et Bernardo totam terram quam habebat a grangia Flaciaci versus Saigniacum. Sed hanc elemosinam fecit occasione Rainerii filii sui quam abbas Willelmus ad monachandum suscepit. Testes sunt Rainaldus clericus, filius Lamberti de Logiis , Symon de Curtenge , Matheus frater ejus, Galterius de Marmania .

xxvi Carta Haymonis filii Pontii Gygantis de Marmania. Haymo de Marmania, filius Pontii Gygantis , dedit ecclesie Fonteneti in elemosinam quicquid habebat a Saigniaco versus Fanium ex utraque parte aque, exceptis duabus oschiis que sunt ipsi ville contigue. Pro hac re habuit de beneficio ejusdem ecclesie juvenem equum et capam. Testes sunt Bernardus de Monte Barro , Rainaldus vicecomes, Andreas de Curtenge , Symon frater ejus, Hugo de Plaanet , Osmundus de Marolio , Rainaldus frater ejus.    Hoc donum laudavit et fecit ex sua parte Gaufridus frater ejusdem Haymonis et habuit inde de beneficio ecclesie xxx ta solidos. Et quia eamdem terram habebat in vadio Haymo Gormundus redemerunt eam monachi Fonteneti xl a solidos. De dono et laude Gaufridi sunt testes Petrus, Richardus et Odo de Marmania , Hylerannus cognatus ejusdem Gaufridi. Hoc donum et pratum Belet laudavit et concessit Helysabeth soror predictorum Haymonis et Gaufridi et habuit pro hac re de karitate ecclesie x solidos. Hujus laudis et concessionis sunt testes Hunbaudus de Turre , Bruno Salvagius, Osmundus de Marolio , Haymo frater ejusdem domine .

xxvii Carta ejusdem. Post aliquantum temporis predictus fol. 275v p. 541 n° 100 Haymo de Marmania tradens se ad monachandum abbati Fonteneti Willermo dedit in elemosinamecclesie Fonteneti reliquum terre quod habebat ipse et frater ejus et soror versus Saigniacum , scilicet et citra villam et ultra, et ex utraque parte aque, pratum quoque de Glaioleto quod monachi redemerunt xx ti solidos. Totum penitus quicquid illic habebant sicut diximus dedit, exceptis hominibus et mansorum censibus et siquid terre homines illi de capitibus suis deratiocinari possent. Quod tamen et ipsum concessit monachis si ab hominibus quorum jus esset adquirere possent. Dedit etiam omnem partem suam de alodio Marmanie ubicumque esset et omnem partem suam de foresta Fraiteti. Hoc totum laudavit et concessit Gaufridus frater ejus et Bartholomeus sororius eorum, quibus reliquam terram suam prout inter eos convenit et ei placuit divisit. Sed quia terrarum quas ultra Saigniacum sepedictus Haymo monachis dederat pars erat de chasamento Sancti Petri Flaviniacensis, statutum est ab utraque parte, scilicet tam militum quam monachorum, ut parte illa que de chasamento erat monachi singulis annis xii cim nummos proviniensis monete, militibus illis Gaufrido scilicet et Bartholomeo l post eos eorum heredibus persolvent. De dono Haymonis et de laude Gaufridi et Bartholomei quod totum actum est Fonteneti in hospitio abbatis, testes sunt Radulphus 8 miles Templi per cujus manum hoc actum est , Bartholomeus de Marmania , Hilerannus sororius ejus, Michael et Werricus de Marmania, Beraudus Cornutus, Rainaldus clericus. Helisabeth quoque uxor Bartholomei, predictorum fratrum Haymonis et Gaufridi soror, laudavit et concessit et hoc donum et etiam quicquid antea fratres ejus ecclesie Fonteneti dederant. Actum est hoc Castellioni in domo Wirrici de Ponte que est in insula. Unde sunt testes predictus Radulphus Templi miles, Tecelinus nepos Wirrici de Ponte , Radulphus gener Martini de Polisel , Vaisus carnifex.

xxviii Carta Beraudi Cornuti. Beraudus Cornutus veniens ad conversionem dedit ecclesie Fonteneti in elemosinam, laudantibus uxore sua nomine Emelina et filio eorum Bartholomeo et filiabus eorum Huldeburge et Osanna, jus suum de terris quas habere se dicebat a Fanio usque Saigniacum. Minister autem fuerat terrarum quas Hermensendis de Venerre eidem ecclesie dederat et pro voluntate sibi eas accepisse poterat. Sed monachi suas esse omnes etiam ante hoc donum sicut investiti de his per tercias credebant. Quia tamen in aliquibus jus suum esse reclamaverat quando jus illud ecclesie dedit pro karitate dederunt monachi predicte ejus uxori pelles multoninas et tunicam, et uni de filiabus vii tem solidos pro pellibus agninis et tres tunicas tam filio quam filiabus et tam matri quam eis sextarium leguminis et tria sextaria frumenti et duo novalia terre. Testes sunt Walterius magister cementarius, Gaufridus filius ejus, Milo cementarius, Vitalis carpentarius.

xxix Carta Malvallet de Monte Barro. Relevé des noms dans D (fol. 276 r) et a (p. 562 n° 121) Mausvalez de Monte Barro , laudante Hugone filio suo, dedit ecclesie Fonteneti in elemosinam pratum quod est inter Fanium et Flaciacum . Pro hac re condonaverunt ei monachi vii tem solidos quos eis debebat. Actum est Fonteneti. Testes sunt Willermus de Duismo et quidam miles ejus, Milo nepos Rainaldi pauperis , Mainardus presbiter de Cameson , Robertus de Monte Barro frater Odonis . Hoc donum laudavit uxor Mauvaslet , predicti Hugonis mater. Unde sunt testes Siguinus mareglarius, Brutinus decimarius, Radulphus ejusdem domine cliens. Gislebertus quoque frater Mauvaslet laudavit hoc donum et habuit de beneficio ecclesie pro hac re capam novam. Testes sunt hujus laudis hic idem Mauvaslez et predictus Robertus frater Odonis Campaniensis .

xxx. Privilegium. Privilegium Humberti Eduensis episcopi Humbertus, Dei gratia Eduensis episcopus, dilecto sibi in Christo fratri Willermo abbati Fonteneti omnibusque successoribus ejus regulariter substituendis in perpetuum. Postulasti, dilecte in Domino frater, totaque, per te, cui prees congregatio quatinus dona et concessiones seu alias adquisitiones ecclesie cui Deo auctore presides factas decreti nostri sigillato privilegio confirmaremus ut firmiori ea munimine eadem ecclesia in perpetuum possideret. Quia igitur dignum est justis postulationibus assensum prebere sicut bone memorie predecessorem nostrum domnum Stephanum episcopum fecisse cognovimus, nos quoque sub sancte Eduensis ecclesie tutela et protectione abbatiam ipsam quam Dei dispensatione regis suscipimus et presentis scripti patrocinio sigillique nostri impressione communimus ; statuentes ut quecumque bona seu possessiones in episcopatu nostro in presentiarum possidet sive in futurum possessura est tam ea scilicet que in presentis membrane cartis scripta continentur quam que in cartis a predicto predecessore nostro confirmatis et de ipsius et de aliorum donis scripta nichilominus continentur seu certe adhuc vel adquisita vel adquirenda scribentur firma prefate abbatie et illibata permaneant. Decernimus ergo ut nulli liceat eamdem abbatiam perturbare aut ejus terras auferre vel ablatas retinere aut temerariis vexationibus fatigare. Quod si quis scienter contra hujus nostre constitutionis paginam fecerit donec resipiscat Dei et nostra auctoritate a communione eum sancte ecclesie sequestramus, ita ut et in presenti a corpore et sanguine Domini alienus existat et in futuro divini examinis ultioni subjaceat.

xxxi Carta Richardi de Espire. Richardus de Espire dedit ecclesie Fonteneti in elemosinam quicquid habebat in prato Deodati et in Altera valle et ad Sanisel in colle scilicet juxta Flaciacum. Testes sunt Anselmus de Fossato , Hugo Aries, Bartholomeus, Robertus major Tullionis , Symon de Castellione .

xxxii Carta Odonis de Sarneio. Odo de Sarneio dedit ecclesie Fonteneti in elemosinam omnem partem suam de alodio quod parciebatur cum domino Nariodo de Monte Barro et Hugone de Plaaneto juxta Fanium. Testes sunt Rainerius de Rochia , Rainaldus clericus de Salviseio , Matheus de Curtenge , Varnerius prepositus Rainerii de Rochia .

xxxiii Carta Fillun de Fanio. Filluns de Fanio dedit ecclesie Fonteneti in elemosinam quicquid habebat in territorio Flaciaci et in Altera valle et habuit pro hac re de karitate ecclesie duas capras et tunicam novam et subtulares et sextarium frumenti. Testes sunt duo homines de Fanio, Terredus et Teobaudus, homo Humbaudi de Turre .

xxxiiii Carta Lamberti de Fanio. Lambertus de Fanio dedit ecclesie Fonteneti in elemosinam quicquid habebat in territorio Flaciaci et in Altera valle. Sed monachi ejusdem ecclesie dimiserunt Lamberto et quibusdam cognatis suis circiter tria novalia terre juxta rivum Flaciaci et Lamberto dederunt de beneficio ecclesie xii cim solidos. Hujus rei testes sunt Teobaudus de Fraxino presbiter, Robertus major Tullionis, Humbertus Guitecoc et filius ejus Wido.

xxxv Carta Gisleberti de Marmania de dono chasamenti Eduensis episcopi. Gislebertus de Marmania dedit ecclesie Fonteneti in elemosinam laudante uxore sua Helisabeth et Hugone filio eorum quicquid habebat de chasamento Eduensis episcopi versus Saigniacum a Fanio in terris et in pratis excepta parte sua duarum oschiarum que contigue sunt ipsi ville. Dedit etiam ultra aquam pratum unde quod monachi redemerunt a Godefrido de Saigniaco xx ti solidos et sextarium frumenti. Testes sunt Haymo nepos Gisleberti , Osmundus de Plaaneto , Johannes Bichet . Hoc donum laudavit postea Gauterius, gener ejusdem Gisleberti , et uxor ejus Hemelina. Unde sunt testes Boso decanus, Richardus de Espire , Nariodus de Monte Barro , Girardus de Duismo , Haymo Gormundus.

xxxvi Carta ejusdem de terra juxta vadii sancti Hylerii. Gislebertus de Marmania dedit ecclesie Fonteneti in elemosinam, laudante uxore sua Helysabeth et Hugone filio ejus et Hemelina filia sua, quicquid habebat a vado sancti Hylerii versus abbatiam Fonteneti. Actum est hoc in presentia abbatis Willermi quando ivit eum visitare in infirmitate qua et mortuus est.    Testes sunt Boso decanus, Johannes Bichez .

xxxvii Carta Helysabeth uxoris ejusdem. Helisabeth, uxor quondam Gisleberti de Marmania , et gener ejus Walterius et Hemelina uxor illius, ejusdem Helysabeth filia, dederunt ecclesie Fonteneti in elemosina pro anima Hugonis, filii ilius Helysabeth , medietatem partis sue de alodio Marmanie in terris et in pratis et tres nummos census de eodem alodio, sed in foresta Fraiteti que de eodem alodio erat non dederunt partem. Pro hac re fuerunt scripta nomina Hugonis et Gisleberti patris sui Fonteneti in kalendario mortuorum et singulis annis eorum anniversarium fiet. Dederunt etiam similiter in elemosinam eidem ecclesie predicti Helysabeth , Waltherius et Hemelina partem suam de prato Glaioleti. Sed pro hac re habuerunt de karitate ecclesie xx solidos.    Utriusque doni sunt testes Boso decanus, Symon et Matheus de Curtenge , Mausvalez , Odo Campaniensis , Lambertus de Logiis , Girardus presbiter, Hugo, Robertus, Rainaldus major Tullionis , Vido sororius ejus et Lambertus de Sedeloco .

xxxviii Carta Haymonis militis de Marmania. anno 1132 Haymo, miles de Marmania , dedit ecclesie Fonteneti pratum quod dicitur Pratum Belet prope magnum pratum monachorum in valle Grinonis . Accepit autem inde a monachis terram et prata que habebant apud Marmaniam et palefridum. Actum est hoc inter Montem Barrum et Montem Fortem quando abbas Willelmus educebat abbatiam Septem Fontium. Testes sunt Rainerius de Rochia , Gislebertus predicti Haymonis avunculus , Teobaudus de Fraxino presbiter, Odo presbiter Curcellarum . Hoc laudavit et concessit postea Gaufridus frater ejusdem Haymonis . Unde sunt testes Willermus de Chaldoisel , Hugo de Plaaneto , Stephanus major Montis Barri , Girardus clericus. Hoc quoque laudavit Helisabeth soror fratrum illorum. Unde sunt testes Humbaudus de Turre , Bruno Salvagius, Osmundus de Marolio , Haymo frater ejusdem domine Belet etiam qui ante prati hujus et alterius terre quam predictus Haymo versus Saigniacum habebat minister fuerat et frater ejus Josbertus hoc laudaverunt. De laude Belet sunt testes Waldricus de Bonesi , Wirricus, Fulcherius et Michael de Marmania . De laude Josbertus sunt testes Haymo dominus ejus et Gislebertus avunculus Haymonis.

xxxix Carta Bartholomei de Fraxino. Bartholomeus de Fraxino dedit ecclesie Fonteneti in elemosinam, laudante uxore sua Eleguide sed vulgo vocata Pagana, et Willelmo filio eorum, omnes aasentias suas ad opus grangie Aringiarum et petrariam ad opus totius abbatie et grangiarum. Habuit pro hac re de karitate ecclesie decem solidos et Willermus capam. Testes sunt Robertus major Tullionis , Rainaldus filius ejus, Hyldebertus homo ejusdem Bartholomei . Dedit etiam idem Bartholomeus, eadem ejus uxore et eodem eorum filio laudantibus, prata quedam sub Fraxino que monachi dederunt Roberto majori Tullionis pro prato quod habebat in Altera valle . Pro hac re habuit de beneficio ecclesie lx a solidos et pullum duorum annorum. Actum est Tullioni in domo predicti majoris . Testes sunt idem major, Rainaldus filius ejus, Johannes eorum cognatus, Hyldebertus predicti Bartholomei homo.

xl Carta Gothefridi de Castellione. fol.260r p. 548 n° 107 Godefridus de Castellione dedit ecclesie Fonteneti in elemosinam omnes aasentias suas in omnibus terris et nemoribus suis. Hujus rei testes sunt domnus Bernardus abbas Clarevallis , Rainaldus Cavalgeia, Wirricus de Beleun . Hoc laudavit Gertrudis uxor ejus et filii eorum, Hugo et Nivardus. Unde sunt testes Willentius, Siguinus.

xli Carta Hugonis de Corrabodio. Hugo de Corrabodio dedit filio suo Willermo in partem hereditatis totam terram quam habebat a rivo Flaciaci qui emanat a fonte qui dicitur frigidus usque ad duas piros que erant prope Saigniacum, scilicet ultra campum Longi Sulci et infra hos terminos usque ad montem quantum scilicet collis durat et sub chimino similiter usque ad aquam quicquid habebat a prato quod dicitur Pratum Christiani quod tunc temporis in vadio habebat Haymo Gormundus. Ab illo prato totum dedit usque ad pratum quod fuit Roberti de Breiis . Dedit etiam quod habebat in campo de Sosiaco9 in altera valle et Willermus, laudante ipso patre, dedit hec omnia ecclesie Fonteneti citra rivum Flaciaci ex parte Fanii que divisa et ostensa patri ejus et ei fuit. Et pater pro eadem re habuit xx ti et vii tem libras proviniensis monete et xl a solidos divionensis monete et palefridum.     Testes sunt Rainerius de Rochia , Rainaldus vicecomes, Hugo de Turre , Nocherius de Bassi , Hugo de Plaaneto , Milo de Casteluz , Symon de Curtenge , Henricus filius Henrici Malarum Manuum , Valdricus de Sinemuro , Viardus de Arcu , Henricus cliens vicecomitis , Theodericus de Noiant . Post paululum laudavit et concessit predictus Willermus omnia placita que pater ejus umquam ecclesie Fonteneti fecerat de terris capitis sui sive dono elemosine sive alio aliquo modo ubicumque terra esse sive in Altera valle sive in monte qui dicitur Mons Medius seu in prato Deodati, sive super campum Buxer seu in valle abbatie et vias foreste. De laude et concessione ista sunt testes Rainerius de Rochia , Rainaldus vicecomes, Hugo de Turre , Nocherius de Bassi , Symon de Curtenge , Petrus Montis Barri capellanus. Sub eisdem testibus juravit pater super sacrosanctas reliquias quod ceteros filios et filiam cum ad etatem legitimam quindecim scilicet annorum pervenirent laudare et concedere faceret quicquid Willermus et pater dederant et laudaverant congruis locis et temporibus ut monachi possent guarantias adducere. Juravit etiam quod de his omnibus que dederat et laudaverat vel placitum fecerat ecclesie Fonteneti fidelis esset ei et quod contra omnes garantiam de his portaret. Ubi vero garantiam portare non posset de illa terra quam filius ejus a monachis accepit, duplo redderet eis quam esset illa terra quam garantire non posset. Monachi similiter si de illa terra quam Willermus ab eis accepit garantiam portare non possent congruum scambium secundum consilium amicorum ecclesie et amicorum ipsius Hugonis darent. Idem juramentum quod Hugo fecit, fecit Willermus filius ejus ex sua parte, excepto quod de fratribus suis non juravit, nisi quod fideliter apud illos laboraret absque censu suo mittendo, ut quod ipse dederat et laudaverat concederent et laudarent. Hugo, frater predicti Willermi, concessit et laudavit quicquid ipse Willermus et pater dederat et laudaverat. Unde sunt testes Oliverius de Frolesio , Rainaldus de Sancta Columba presbiter et Robertus frater ejus, Petrus miles filius Huldrei .     Rogerius quoque et Sequardus et Willermus fratres Hugonis concesserunt et laudaverunt quicquid Hugo et Willermus filius dederunt et laudaverunt. De laude Rogerii sunt testes Boso decanus, Rainaldus vicecomes, Rainerius de Rochia , Milo de Casteluz , Symon de Curtenge , Radulphus carpentarius. De laude Sequardi sunt testes Boso decanus, Symon de Curtenge , Stephanus sororius Bartholomei de Fraxino , Gaufridus de Marmania , Stephanus major Montis Barri , Airardus cliens domini Rainerii . De laude Willermi sunt testes Symon de Curtenge , Odo filius Hugonis de Maisi et Paganus de Mailli , filius Rainaldi de Sau .

xlii Carta Oliverii de Frollesio de prato presbiteri. Oliverius de Frolesio dedit ecclesie Fonteneti in elemosinam pro Haymone sororio suo terciam partem prati quod dicitur Pratum Presbiteri et terciam partem prati quod fuit Savarici et quantum in se erat concessit ad adquirendum pratum Clarenbaudi . Dedit etiam quicquid calumpniabatur de chasamento Radulphi filii Milonis Lamberti . Actum est hoc Fonteneti in porticu ecclesie , presente Widone monacho avunculo uxoris sue Sibille . Testes sunt idem monachus Vido, Osmundus de Venerre , Godefridus de Saigniaco , Hugo de Corrabodio . Hoc laudavit Sibilla uxor ejus. Unde sunt testes Osmundus de Venerre , Valdricus de Bonesi .

xliii Carta ejusdem de terre Flaciaci. Oliverius de Frolesio dedit ecclesie Fonteneti in elemosinam, laudante uxore sua Sibilla, totam terram suam quam habebant a rivo Flaciaci qui emanat a Fonte qui dicitur frigidus usque Saigniacum. Et quia quidam homo ejus aliquid terre inibi habebat qui et homo Humbaudi de Turre erat quantum in se erat pepigit Oliverius quod congruum inde scambium accipere faceret. Quorumdam aliorum hominum suorum quandam terram quam sui juris esse dicebant, licet tunc eam non tenerent concessit monachis ad adquirendum ab illis. Pro his omnibus habuit de beneficio ecclesie Oliverius xl a solidos, et uxor ejus Sibilla x. Testes sunt tres fratres Brutinus, Calo, Milo de Grinione , Sequardus de Corrabodio , Girardus cementarius. Alii testes Oliverii de eadem re sunt Robertus de Sancta Columba , Rainaldus presbiter, frater ejus.

xliiii Carta Gisleberti de Tilio. Gislebertus de Tilio dedit ecclesie Fonteneti in elemosinam totam terram quam habebat juxta pratum Deodati in colle montis qui dicitur Mons Medius, exceptis pratis que homines ejus tenebant que tamen concessit monachis si ab hominibus illis adquirere possent. Dedit etiam ecclesie jus suum de tota decima Alterius vallis et omnem penitus ejus decimam in perpetuum guirpivit ei et dedit. Dedit quoque decem novalia terre inter Saigniacum et Flaciacum. Pro hac re reddiderunt monachi Fonteneti pro eo lx a solidos quos sorori fratris Milonis de Tilio debebat. Insuper idem Gislebertus habuit xx ti solidos. Actum est hoc Fonteneti juxta coquinam infirmorum .    Testes sunt Milo de Casteluz , Vido de Corrabodio . Recognovit postea hoc donum se fecisse apud Flaciacum in quodam placito coram Rainerio de Rochia et multis aliis. Alia vice coram Gisleberto de Fossato recognovit id ipsum alia vice coram Teobaudo Fraxini presbitero. Hoc donum laudaverunt Hugo et Obertus et Valterius filii ejus. Testes sunt Valterius de Frolesio , Vido de Corrabodio , Valterius Riviaux , Vido de Corfergin . Alia vice laudavit hoc apud Fontenetum predictus Valterius junior Gisleberti filius coram ipso patre et Vidone de Corfergin .

xlv Carta Gothefridi de Saigniaco de prato Pontii. Godefridus de Saigniaco dedit ecclesie Fonteneti in elemosinam pro anima filii sui Hugonis pratum quod dicitur Pratum Pontii . Hujus doni testes sunt Rainaldus vicecomes, Humbaudus de Turre . Hoc laudavit Sara que predicti Hugonis conjux fuerat. Unde sunt testes Osmundus de Venerre et filii ejus Vido et Milo, Robertus de Sancta Columba et frater ejus Rainaldus in quorum domo laus ista facta fuit et Haymo Gormundus . Hoc quoque laudaverunt Humbaudus de Turre et Hodierna uxor ejus in domo sua apud Rubeum Montem. Unde sunt testes Rainaldus vicecomes et Godefridus qui hoc donum fecit.

xlvi Carta Girardi de Castellione de omnibus que habebat apud Puteolum. fol. 261r: ex eadem secunda magna charta, numero XLVI p. 548, n° 108 Girardus de Castellione dedit ecclesie Fonteneti in elemosinam quicquid infra terminos Puteoli Franci habebat. Terminos autem concessit sicut Hugo de Valle Abonis jam conversus per obedientiam abbatis Willermi et concessionem Teobaudi de Saliva divisit. Insuper monachis predicte ecclesie omnem de propria eorum terra guirpivit decimam : quod nunquam scilicet ab eis decimam de eorum terra vel ab alio apud Puteolum acciperet. Testes sunt Hugo dux Burgundie , Odo ejusdem ducis filius, Varnerius de Sumbernum , Rainerius de Rochia , Johannes de Quintiaco , Rainaldus dominus Grancei .  Actum est inter Frolesium et Ungiacum. Habuit pro hac re Girardus de rebus ecclesie x libras et uxor ejus vacam.   Postea autem quia querela orta fuit inter homines Eschaloii Note de l’imprimeur : YYY. Folio 549. et monachos de terminis Eschaloii et Puteoli, et inter Girardum et monachos de communitate Bergerecarum hoc modo pacificata est res in presentia domini Odonis filii ducis , laudantibus predicto G. et hominibus ville nec aliquo eorum contradicente. Dictum est utriusque partis assensu communi quod a chimino qui de Ponte Lavei venit jusum versus Chassanetum partiretur terram inter fagum quam monachi suum ex parte Eschaloii terminum ostensione et divisione ab Hugone de Valle Abonis sicut predictum est facta dicebant et semitam que a Leri Astalantam ducit et ex parte fagi ville esset ex parte semite monachorum.    Concessum est etiam utrinque quod pasturas suas invicem communicarent sed non pastionem porcorum in glande. Concessit etiam predictus Girardus jamdicte ecclesie omnem usum quem inclamabant apud Bergereras excepto quod non excolerent ibi nisi propriam terram absque campo quem de communitate jam excoluerant. Pro his omnibus habuit G. de rebus ecclesie xii cim libras et uxor ejus xx ti solidos. Testes sunt abbates Bernardus Clarevallensis , Constantinus Ungiacensis , Odo filius ducis, etc. Deinde utriusque territorii metae, Constantini Ungiacensis abbatis arbitrio vel fixae vel designatae sunt Constantius presbiter Eschaloii , Rainerius de Rochia , Villermus de Marriniaco , Girardus de Rovera .     Ubi vero ventum est ad terre divisionem, quia non potuit sicut predictum fuerat dividi impediente inequali latitudine et longitudine ipsius terre, posuerunt se ex utraque parte super domnum Constantinum Ungiaci abbatem ut ipse considerata mensura juxta quod prius dictum fuerat eis divideret terram. Qui perambulata et bene perspecta terra designavit locum ubi modo lapidea meta grandis fixa est et inde per designata loca usque ad Cumbam Facillarum procedens divisit monachis quicquid est a meta illa usque Rivenzum et usque ad predictam cumbam quam totam ipse monachorum usque ad cumbam que est sub predicta semita Estalenti quam similiter totam monachorum fore quantum finis Puteoli durat, scilicet usque ad locum qui dicitur Mortua Aqua, et ab illa cumba totum quicquid est usque Rivenzum dicto quod super eum positum fuerat dixit. Hominibus vero Eschaloii divisit quicquid est a predicta meta sub chimino Pontis Lavei usque Eschaloium et quicquid est inter predictas duas cumbas usque ad finem Chassanetum. Huic rei interfuerunt dominus Robertus filius ducis post factus Eduensis episcopus , magister Robertus tunc clericus ejus, Girardus de Castellione, tunc Eschaloii dominus, Lebaudus Ordeum miles, Petrus Marrels , Humbertus cognatus ejus, Henricus, Robertus et multi alii de Eschaloio . Hec omnia concessit et laudavit Milio filius Girardi de Castellione sicut pater ejus fecerat et habuit de beneficio Fonteneti xx ti solidos. Hujus concessionis sunt testes dominus Godefridus Lingonensis episcopus, Pontius ejus archidiaconus 10, Valterius Trecensis canonicus, Milo Lisiniarum decanus, Vido comes Barri , Thomas miles ejus, Rainerius de Rochia , Matheus de Castellione, Rainerius de Pultariis , Lebaudus Ordeum, Gislebertus de Tullione . (fol. 261r) (p. 549, n° 108)

Privilegium. xlvii. Privilegium Gothefridi Lingonensis episcopi. Godefridus, Dei gratia Lingonensis episcopus, dilecto sibi in Christo fratri Willermo abbati Fonteneti omnibus que successoribus ejus regulariter substituendis in perpetuum. Desiderium quod ad religionis propositum pertinere dinoscitur actore Deo celi effectu prosequendum est. Quocirca, dilecte in Domino frater, tuis tuorumque fratrum justis postulationibus annuentes ecclesie cui Deo actore presides bona seu possessiones que in episcopatu nostro sunt tam ea que in cartis presentis membrane scripta continentur quam que alibi sub protectione sancte Linguonensis ecclesie munimine suscipimus, statuentes ne qua vel ecclesiastica secularisve persona aliquid ex his minuere vel auferre presumat, sed tibi tuisque successoribus tam ea que in presentiarum ecclesia tua possidet quam que in futuro possessura est integra illibataque permaneant. Confirmantes igitur hec atque sigillo nostre dignitatis munientes Dei et ea qua fungimur actoritate a sacratissimo corpore et sanguine Domini et ab ecclesia ejus excommunicamus quicumque contra hanc decreti nostri censuram scienter fecerit. Pax sit custodientibus eam. Amen.