Consultum namque et iustum videtur, ut quicquid secularibus agatur negotiis, quatinvs serie litterarum fideliumque testimonio virorum ita ligetur atque firmetur, ne in posterum ullo modo possit mutari uel dissolui. Quapropter nouerint omnes Christi fideles presentes et futuri, qualiter unerabilis episcopus Abraham Frigisingensis ecclesie et quidam nobilis vir nomine Diotricus quandam conmutationem inter se facere voluerunt sicut et fecerunt. Tradidit itaque nobilis uir eiusque uassallus talem proprietatem qualem ipse tunc habuit in loco Gisinga dicto, hoc est curtiferum i cum edificiis et legalem hobam vnius cuiusque nobilis viri cum exitibus et reditibus, viis et inuiis, aquarum decursibus omnibusque rebus iuste legitimeque ad eundem locum pertinentibus in manus prefati episcopi et aduocati sui Odalscalehi ad aitare sancte Marie sanctique Corbiniani confessoris Christi perpetualiter existendum. Econtra vero in reconpensatione eiusdem conmutationis idem prenominatus episcopus vna cum manu aduocati sui quicquid ipse habuit in loco Riod dicto, hoc est curti¬ferum i cum edificiis et hobam i cum omnibus rebus iure legitimeque ad eandem pertinentibus in confinio loci Thesitin nominato eidem¹ nobili viro tradidit perpetualiter habendum et exinde quicquid libuerit faciendum. Unde et duas conmutationes inter se pari tenore conscriptas fieri decreuerunt, ut aterque quod ab altero accepit, firmiter teneat atque² possideat. Testes Godescalch, Timo, Gozhalm, Perahtolt, Amalpreht, Williheri, Ratolt, Ogo et alii.

Source Fulltext: ZAHN, Codex Diplomaticus (=FRA II/31, Wien 1870) S. 41-42