Dominus Heinricus canonicus Ardacensis testis iuratus interrogatus dixit, quod fundus cum uniuersis suis pertinentiis in quo sita est ecclesia in Probstorf, est proprietas ecclesie Frisingensis. Interrogatus qualiter hoc sibi constet, respondit quod ab eo tempore quo recordari potest, dux Levpoldus et Fridericus fuerunt uassalli ecclesie Frisingensis pro eadem ecclesia et fundo ipsius et omnibus pertinenciis et iure patronatus, et quod proprietas fundi ipsius ecclesie et omnium possessionum pertinentium ad ipsam ecclesiam, cum adhuc terra esset inculta et nouella plantacio et antequam ducatus in Austria esset, ecclesia de Probstorf¹ iure donacionis pertinuit ad eandem ecclesiam Frisingensem, et interrogatus quis fuerit donator predictorum, respondit quod audiuit et legit in libro tradicionum Frisingensis ecclesie de quodam marchione cuius nomen ignorabat. Interrogatus si predicti duces dictas possessiones cum fundo ecclesie et iure patronatus pacifice et quiete sine interruptione possederint in tempore quo recordari potest, respondit quod sic. Interrogatus a quo tempore recordari possit hoc fuisse verum, respondit a xxxvi annis retro. Interrogatus iterum si post mortem dictorum ducum dictus fundus cum pertinenciis et iure patronatus reuersus est et deuolutus ad dominium et vsus dicti episcopi et ecclesie Frisingensis, respondit quod sic. Item interrogatus utrum predicti duces Levpoldus et Fr. vassalli ecclesie Frisingensis ad ecciesiam de Probstorf presentauerint plebanos dyocesano tamquam patroni, respondit quod sic. Interrogatus qui fuerint presentati et admissi, respondit quod dominus Heinricus tum prepositus Patauiensis qui fuit postea predicator, Vlricus quondam plebanus in Draeschirchen, Eberhardus canonicus .Patauiensis postea occisus, Heinricus phisicus postea plebanus in Ruspach, magister Leupoldus quondam Wiennensis plebanus, Albertus comes de Eberstein. Item interrogatus siquis presentauerit post mortem predictorum ducum, respondit quod dominus Frisingensis presentauerit Eberhardum prepositum de Wertse dyocesano. Interrogatus ubi fuerit presentatus, respondit Wienne, interrogatus quando, respondit a tempore vocacionis (!) ipsius ecclesie quam cito peruenit fama siue rumor mortis Alberti plebani ad noticiam dicti episcopi Frisingensis, eundem prepositum presentauit.||
Leupoldus plebanus de Enceinstorf testis iuratus interrogatus dixit, quod fundus cum vniuersis suis pertinentiis in quo sita est ecclesia in Probstorf, est proprietas ecclesie Frisingensis. Interrogatus qualiter hoc sibi constet, respondit quod dictas possefssiones cum ecclesia assecuta est ecclesia Frisingensis a marchione qui fuit antequam ducatus esset. Interrogatus utrum dux Levpoldus et Fr. in fevdum habuerint dictum fundum cum pertinenciis suis et iure patronatus ab ipso episcopo Frisingensi, respondit quod sic et ab eo tempore quo recordari potest. Item interrogatus si quiete et pacifice et sine interrupcione possederint predictas possessiones et ius patronatus in ecclesia memorata, respondit quod sic a xxx annis retro quibus recordari potest. Item interrogatus si post mortem dictorum ducum dictus fundus cum pertinentiis suis et iure patronatus reuersus est et deuolutus ad dominium et vsus dicti episcopi et ecclesie Frisingensis, respondit quod sic. In aliis concordat in omnibus cum domino Heinrico canonico Ardacensi teste iam predicto, eo adiecto quod tempore persecucionis ducis Fr. ipsam ecclesiam cum fundo in quo sita est ecclesia in Probstorf, cum pertinenciis suis idem dux assignauit episcopo Frisingensi ad cautelam ne sibi fieret preiudicium occasione dicte persecucionis.||
Dietmarus sacerdos de Enzenstorf testis iuratus interrogatus dixit, quod fundus in quo sita est ecclesia in Probstorf cum omnibus possessionibus et pertinenciis suis pertinet ad episcopum et ecclesiam Frisingensem. Item interrogatus quomodo hoc sibi constaret, respondit quod ab alio (! auo) et patre suo intellexerit, quod proprietas et fundus ecclesie memorate pertineret ad ecclesiam Frisingensem, et quod quidam marchio dictas possessiones cum pertinenciis suuis dicte ecclesie Frisingensi contulerit. Item de assignacione feudorum tempore persecucionis ducis Friderici idem dicit cum plebano Leupoldo de Enzenstorf. Item de quieta et pacifica possessione iuris patronatus in Probstorf et possessionibus pertinentibus ad eandem ecclesiam, quod(!) habuerunt quondam dux Leupoldus et Fr. et reuolutione proprietatis dictarum possessionum et iuris patronatus post mortem dictorum ducum ad ecclesiam Frisingensem et presentacionem factam ab ipsis ducibus premortuis plebanorum usque in hodiernam diem idem dicit cum primo teste domino Heinrico canonico Ardacensi, excepto eo quod non recordatur de presentacione facta domini Heinrici tumprepositi, et insuper dixit quod etiam dominus Reinherus fuit presentatus a duce Fr. in ecclesia memorata.||
Heinricus subdyaconus de Enzenstorf testis iuratus interrogatus dixit, quod sibi constat per auditum quod ecclesia Frisingensis fuit et est in possessione et proprietatis possessionum in qua sita est ecclesia in Probstorf. Interrogatus de aliis, respondit se nichil aliud scire nisi per auditum eo quod sit vix xx annorum.||
Otto miles de Spilberch testis iuratus interrogatus dixit sibi constare pro certo quod ecclesia Frisingensis fuit in possessione proprietatis fundi in quo sita est ecclesia in Probstorf, et omnium possessionum ad eam pertinentium a xl annis retro, et quod marchio patruus Heinrici imperatoris contulit predictas possessiones ecclesie Frisingensi sicut veraciter intellexit a progenitoribus suis, et quod hec donacio facta fuit a tempore cuius nunc non extat memoria. Item dicit quod idem fundus in quo sita est ecclesia, cum uillis, possessionibus et omnibus pertinenciis suis et iure patronatus collatum est in fevdum duci Leupoldo ab Ottone et Geroldo episcopis nomine ecclesie Frisingensis ante xl annos et dicit se fuisse presentem, quando Geroldus episcopus de eodem fundo in quo sita est ecclesia in Probstorf, cum omnibus pertinenciis infeodauit ducem Levpoldum Winne in domo camerarii. Interrogatus de tempore, respondit quod possunt esse plus quam xxxvi anni. Interrogatus qui fuerint presentes, respondit Eberhardus de Swaelinge, Fridericus de Swaeling, Chvnradus de Humel, Haeinricus de Vagen, Aeinwicus de Lusnich, Heinricus de Prunn, Irnfridus de Hintperch melites(!) et alii quam plures. Fuit etiam presens quando episcopus Chvnradus qui nunc est, infeodauit ducem Fr. de predictis. Interrogatus de tempore, dicit quod possunt esse xxij anni. Interrogatus de loco, respondit se non recordari, et dicit quod in Noua ciuitate tempore persecucionis domini ducum (!) Fr. idem dux Fr. dictum fundum in qua sita est ecclesia in Probstorf, ad cautelam resignauit ne ecclesia Frisingensis per Fr. imperatorem qui eundem Fr. impugnabat, fraudaretur iure suo. De presentatione diuersorum plebanorum facta per dictos duces ordinario ad ecclesiam memoratam et quieta et pacifica possessione iuris patronatus in eadem ecclesia possessionum pertinentium ad ea(n)dem eorundem ducum et reuolutione proprietatis et iure dominii predictorum (!) post mortem predictorum ducum ad ecclesiam Frisingensem et possessione in qua hodie est episcopus Frisingensis sine cuius quam impedimento, idem dicit per omnia cum Dietmaro sacerdoti de Entzeinstorf.||
Rinboto miles frater Ottonis testis iuratus interrogatus dicit in omnibus et per omnia sicut frater suus Otto, eo excepto quod non (!) dicit se non recordari de Ottone episcopo et infeodacione quam fecit idem episcopus duci Levpoldo, et de loco infeodacionis facte duci Fr. ab episcopo Chu(n)rado qui nunc est, adiecit super dictum fratris sui quod facta fuerit in Wienna. De tempove concordat cum fratri (!) suo et dicit quod presens fuit quando hoc factum fuit, Irmfrido(!) de Hintperch et fratre suo Chvnrado et Heinrico de Prunn ministerialibus et aliis quam pluribus.||
Dominus Levpoldus prepositus Ardacensis et canonicus Patauiensis testis iuratus interrogatus dixit, quod fundus in quo sita est ecclesia de Probstorf cum ipsa villa parrochiali que vocatur Probstorf, et aliis villis que uocantur Schonahe et Vrvar, et omnibus possessionibus cum pertinenciis suis pertinentes ad easdem villas collatus fuit ab eo tempore cuius non extat memoria, in feudum ducibus Austrie ab ecclesia Frisingensi. et dicit quod proprietas in predictis locis sicut pro certo est de iure et proprietate ecclesie Frisingensis. item dicit quod duces Levpoldus et Fr. fuerint in quieta possessione dicti fundi et possessione vsque ad mortem eorum nomine ecclesie Frisingensis, et quod presentati sunt a predictis ducibus et admissi sine contradictione ordinario tales plebani videlicet Heinricus tumprepositus Patauiensis, Vlricus de Draeschirchen, Eberhardus de Johanstorf canonicus Patauiensis, magister Heinricus phisicus, magister Levpoldus quondam Wiennensis plebanus, Albertus comes de Eberstaein. Item dicit quod fundus et proprietas in quo sita est ecclesia de Probstorf, post mortem predictorum ducum immediate reuersus et deuolutus est ad dominium et ius ecclesie Frisingensis sine cuiusquam contradictione, et quod dominus Frisingensis hodie est in quieta, possessione.||
Chvnradus sacerdos testis iuratus interrogatus dixit, quod a tempore sciencie vocacionis (!) ecclesie in Probstorf episcopus Frisingensis infra sex menses dominum Ewerhardum Werdensem prepositum Berhtoldo episcopo Patauiensi presentauit ad ecclesiam memoratam. Interrogatus si fuerit admissus, respondit quod non.||
Ortwinus de Sachsengange testis iuratus interrogatus dixit, quod fundus cum vniuersis suis pertinenciis in quo sita est ecclesia in Probstorf, esset proprietas ecclesie Frisingensis. Item dixit quod duces Austrie Leupoldus et Fridericus in fevdum habuerunt dictum fundum cum pertinenciis suis et iure patronatus ab episcopo et ecclesia Frisingensi. Item dixit quod post mortem dictorum ducum dictus fundus cum pertinentiis suis et iure patronatus reuersus est et deuolutus ad dominium et vsus ecclesie Frisingensis. Item dixit quod predicti duces presentauerunt dyocesano episcopo tres personas ad eandem eeclesiam et admissi sunt videlicet Heinricus de Probstorf, Leupoldus quondam Wiennensis plebanus, Albertus comes de Eberstein. Item dixit quod post mortem predictorum ducum de dicto fundo nulla sibi fuerit mota questio et quod sine interrupcione dictum fundum possederit pacifice et quiete.||
Levpoldus de Sachsengange testis iuratus interrogatus dixit, quod fundus cum vniuersis suis pertinentiis in quo sita est ecclesia in Probstorf, est proprietas ecclesie Frisingensis. Item dixit quod quondam Fr. dux Austrie in fevdum habuerit dictum fundum cum vniuersis pertinenciis suis et iure patronatus ab episcopo ecclesie Frisingensis. Item dixit quod post mortem dicti ducis dictus fundus cum vniuersis pertinentiis suis et iure patronatus immediate est deuolutus et reuersus ad ecclesiam et episcopum Frisingensem.

Source Fulltext: ZAHN, Codex Diplomaticus (=FRA II/31, Wien 1870) S. 185-189