Nouerint cuncti quos nosse fuerit oportunum, quod nos Emcho dei gracia episcopus ecclesie Frisingensis de consensu capituli nostri pro nobis et ecclesia nostra ex vna, hos quoque Wernherus eadem gracia episcopus ecclesie Lauentine accedente consensu capituli nostri pro nobis et eadem ecclesia nostra ex parte altera suborta inter nos super ecclesia sancti Petri prope Waelz Salzburgensis dyocesis siue iurepatronatus eiusdem ecclesie iam dudum materia questionis, et ego Em. de Alzaya canonicus ecclesie Frisingensis per reuerendum in Christo patrem dominum Em. venerabilem episcopum Frisingensem ad eandem ecclesiam sancti Petri tunc vacantem reuerendo in Christo patri domino Chv^onrado sancte Salzburgensis ecclesie archiepiscopo apostolice sedis legato loci ordinario canonice presentatus, et ego Otto de Saverawe per reuerendum in Christo patrem et dominum Wernherum venerabilem episcopum ecclesie Lauentine eidem domino Ch. sancte Salzburgensis ecclesie archiepiscopo ad eandem ecclesiam sancti Petri vacantem similiter presentatus super iure quod nobis presentatis ex presentacionibus huiusmodi acquisitum et nobis predictis presentatoribus in premissis conpetere videbatur, diligenti deliberacione prehabita in honorabiles et discretos viros dominum Jacobum prepositum sancti Bartholomei Freisaci (!), magistrum Arnoldum canonicum sancti Mauricii Auguste, necnon dominum Dietricum de Wolfsawe prepositum Gurnocensem vtriusque iuris professorem quasi pro tercio communiter ab omnibus electum tamquam in arbitratores conpromittendum duximus sub hac forma, quod predicti duo dominus Ja. videlicet prepositus et magister Ar. proxima feria quarta ante instans festum sancti Galli conueniant in Friesaco et receptis et. examinatis omnium nostrum allegacionibus, iuribus, racionibus, munimentis et probacionibus quibuscunque, obmissis sollempnitatibus ordinis iudiciarii omnes predictas questiones arbitrando diffiniant et decidant, attribuentes in sua decisione quam communiter et in scriptis pronunciare debebunt, vnicuique nostrum quod ei secundum deum et iusticiam attribuendum viderint, ad quod etiam eos astringi petimus et volumus corporali prius super hoc prestito iuramento, cessante tamen hinc inde condempnacione quarumlibet expensarum. Si vero iidem duo arbitratores in iam dictis termino et loco conuenientes inceptum arbitracionis tractatum vno die cum suis continuacionibus conplere nequiuerint, plenam et liberam potestatem habeant dictum negocium seu tractatum in alium uel alios diem uel dies, terminum uel terminos, vnum uel plures, quotquot et qualiter ipsi negocio expedire viderint, continuandi et eciam prorogandi. Habeant quoque predicti duo arbitratores in omnibus terminis quos vt premittitur, statuerint, plenam et liberam potestatem procedendi amicabiliter, componendi et arbitrandi tam solempnibus quam priuatis diebus, partis uel parcium absencia non obstante. Si vero negocio penes eosdem duos arbitratores pendente memoratum Ja. prepositum mori vel quocumque casu inpediri contigerit, quominus ipsi negocio interesse ac intendere valeat, ex tunc nos Wernherns episcopus Lauentinus et Ot. de Sav^eraw^e ab eo presentatus alium idoneum et discretum in locum ipsius substituere tenebimur quam cito potuerimus, absque qualibet captione. Similiter si magister Ar. fuerit inpeditus vel decesserit, nos Emcho episcopus et Em. de Alzaya canonicus ecclesie Frisingensis in locum ipsius tenebimur alium idoneum subrogare. Taliter quoque substitutus uel substituti in ipso suo introitu iurabit uel iurabunt quemadmodum de primo electis arbitratoribus superius est expressum. Simili modo si quemquam substitutum impediri quandovel quocienscunque contingerit (!), pars que illum substituat, alium idoneum sub forma superius annotata subroget loco sui. Si vero predicti duo domini Ja. prepositus et magister Ar. vel eis substituti in vnam formam sev sentenciam vel amica(bilem) . composicionem concordare nequiuerint, ex tunc ad tercium terminum et locum quem designandum duxerint, arbitratores tercium dominum Dyetricum videlicet de Wolfsawe . . . expensis communibus parcium euocabunt, iuraturum in primo suo accessu et deinde cum ceteris duobus arbitratoribus seu eis substitutis negocio intenturum, processurum et diffiniturum iuxta formam superius annotatam. Quem si forte quod absit, interim mori vel alias impediri contigerit, assumatur sub forma que superius est expressa. Quicquid vero per memoratos tres arbitratores communiter vel ipsis substitutos vel per duos eorum principales seu substitutos communiter et in scriptis arbitratorie ordinatum, diffinitum et pronunciatum seu alias per formam amicabilis conposicionis decretum fuerit, ab omnibus nobis et successoribus nostris sub periculo et amissione cause tociusque iuris cuilibet nostrum in premissis conpetenti et conpetituro in toto et in parte inuiolabiliter obseruetur, ita quod quicunque nostruˆm huiusmodi arbitracioni seu diffinicioni in toto vel in parte contraire presumpserit, ipso facto ab omni iure quod sibi in premissis vel quolibet eorum conpetere potuit vel poterit in futurum, se nouerit penitus cecedisse. In quibus et quolibet eorum renunciamus ex certa sciencia restitucioni in integrum, excepcioni doli mali et omni alii iurisbeneficio ordinario et extraordinario quod nobis vel cuilibet nostrum sev nostris successoribus possit aliqualiter in contrarium suffragari. Preterea omnes nos presentatores et presentati prefati predictis duobus dominis Ja. preposito sancti Bar. et magistro Ar. vel substituti^s sibi et si illi nos concordare nequiuerint, tercio, videlicet domino Dietrico de Wolfsawe vel eius substituto vnacum premissis duobus composicionem inter nos amicabiliter attemptandi plenam et liberam tribuimus potestatem,, ita quod propter hanc formam semel vel sepius attemptatam, si totum negocium premissum per eam terminatum non fuerit, prior forma compromissi huiusmodi nec sit nec intelligatur in toto vel in parte aliqualiter reuocata. In quorum omnium euidenciam et perpetuam rei memoriam nos presentatores et presentati sepedicti sigilla nostra presentibus litteris ex certa sciencia duximus appendenda. Actum in Frisaco, anno domini M. CCC. VI., nonis Octobris, hoc est feria sexta ante festum sancti Dyonisii.

Source Fulltext: ZAHN, Codex Diplomaticus (=FRA II/35, Wien 1871) S. 28-31