Nos Wernherus dei gratia episcopus, Velricus prepositus totumque capitulum sancti Andree ecclesie Lauentine pro nobis et ecclesia nostra ac omnibus nostris successoribus tenore presencium publice profitemur ac constare volumus presentium inspectoribus vniuersis, quod quia causa seu controuersia que super ecclesia sancti Petri prope Welcz dyocesis Salczburgensis et iurepatronatus eiusdem ecclesie sancti Petri inter reuerendum in Christo patrem dominum Emchonem venerabilem episcopum ecclesie Frisingensis et eandem suam ecclesiam Frisingensem, necnon eiusdem domini Emchonis Frisingensis episcopi presentatum, dominum Emchonem videlicet de Alczeia canonicum ecclesie memorate Frisingensis ex vna, et nos et ecclesiam nostram Lauentinam et presentatum a nobis predicto Wernhero episcopo Lauentino, Ottonem videlicet de Savrawe ex parte altera vertebatur, per honorabiles viros dominos Jacobum prepositum sancti Bartholomei Frisaci, Dyetricum de Wolfsaw^e prepositum ecclesie Gvrnocensis et magistrum Arnoldum doctorem decretorum canonicum sancti Mauricii Auguste pro arbitratoribus seu amicabilibus compositoribus ab utraque parte communiter et concorditer electos est sub anno domini millesimo trecentesimo septimo, quarto kalendis Junii apud sanctum Petrum per formam arbitracionis diffinita, terminata et decisa penitus sub hoc modo, videlicet quod predictis domino Emchone venerabili episcopo et ecclesia sua Frisingensi, nec non domino Emchoni de Alczeia eiusdem domini Emchonis ecclesie Frisingensis episcopi presentato a nostra et ecclesie nostre Lauentine omniumque successorum nostrorum, nec non a predicti Ottonis de Savrawe a nobis predicto Wernhero Lauentino episcopo presentati impeticione seu instancia in antea absolutis, idem dominus Emcho venerabilis episcopus Frisingensis ecclesie omnesque successores pro se et ecclesia sua Frisingensi habent et perpetuo habere debent ius patronatus in predicta ecclesia sancti Petri et nichilominus memoratus dominus Emcho venerabilis episcopus Frisingensis pro se et successoribus suis ac ecclesia Frisingensi nobis et ecclesie nostre Lauentine ab eodem die quo predicta diffinitio seu arbitratoria decisio est promulgata siue facta; vsque ad annum in recompensam iuris quod nos credebamus ecclesiam Raedentein vel ecclesiam nostram Lauentinam in eadem ecclesia sancti Petri prope Weltz et iurepatronatus ipsius habuisse, et pro damnis quocunque modo illatis seu alio quolibet interesse decem marcarum redditus de suis dominicalibus redditibus in parrochia Raedentein nobis et ecclesie nostre Lauentine assignare debeat sub hoc modo, quod quandocunque voluerit, eosdem redditus recuperare seu reabsoluere valeat cum argento, sic quod quinque marce ponderati argenti pro qualibet marca reddituum computentur, prout hec omnia ex forma litterarum per predictos arbitratores super prenotata arbitratoria diffinicione seu decisione confectarum appercius apparent cuilibet intuienti (!), prefatus dominus Emcho venerabilis episcopus et capitulum ecclesie Frisingensis predicte pro se et eadem ecclesia sua per Fridericum dictum Ellenpech ipsius domini Emchonis Frisingensis ecclesie episcopi notarium ecclesie sancti Andree Frisinge canonicum ab eisdem domino Emchone venerabili episcopo et capitulo Frisingensis ecclesie cum sufficienti et pleno mandato ad hoc procuratorio nomine deputatum et transmissum et per Fridericum de Sandawe memorati domini Emchonis venerabilis episcopi Frisingensis bvrchgrafium in Rotenvels, nec non per Reicherum eiusdem domini Emchonis Frisingensis episcopi in sancto Petro officialem domino Nycolao ecclesie in Staevntz canonico dyocesis Secouiensis nostri, videlicet Wernheri memorati episcopi Lauentini notario et capellano a nobis predictis Wernhero episcopo et capitulo ecclesie Lauentine procuratorio nomine cum pleno et sufficienti mandato ad hoc deputato et transmisso vice ac nomine nostro et ecclesie nostre Lauentine sub anno domini millesimo trecentesimo octauo, quintodecimo kalendas Februarii decem marcarum redditus de dominicalibus redditibus ipsius domini Emchonis venerabilis episcopi Frisingensis in parrochia Raedentein sitis in predicta villa sancti Petri prout debuerunt, libere et legittime assignarant, et postquam memoratus dominus Nykolaus predicte ecclesie in Staeuntz canonicus procurator noster nomine nostro et ecclesie nostre Lauentine secundum formam per nos et ecclesiam nostram Lauentinam sibi tradite potestatis memoratos, decem marcarum redditus vt premittitur assignatos pro nobis et ecclesia nostra Lauentina predicto anno domini millesimo trecentesimo octauo, quintodecimo kalendis Februarii acceptauit et sollempni publicacione approbauit, prefatus Fridericus memorati domini venerabilis episcopi Frisingensis notarius predicte ecclesie sancti Andree Frisinge canonicus secundum formam mandati et potestatis a predictis domino Emchone venerabili episcopo et capitulo prefate ecclesie Frisingensis procuratorio nomine sibi super hoc traditi vnacum predicto Friderico de Sandawe ipsius domini Emchonis Frisingensis episcopi burchgrafio in Rotenuels et prefato Reichero eiusdem domini Emchonis venerabilis episcopi Frisingensis officiali in sancto Petro prenotatum Nykolaum canonicum in Staeuntz procuratorem nostrum pro nobis et ecclesia nostra Lauentina in corporalem et quietam et pacificam possessionem earundem decem marcarum reddituum predicto anno domini millesimo trecentesimo octauo, quintodecimo kalendas Februarii cum sollempnitate debita inmisit et inductos defendit, forma predicte pronunciacionis, diffinitionis seu arbitratorie decisionis ab utraque parte in omnibus et per omnia obseruata, sepedictosque decem marcarum redditus prenotato domino Nykolao nostro procuratori vice ac nomine nostro ac ecclesie nostre Lauentine per predictum Fridericum prelibati domini Emchonis Frisingensis episcopi notarium, ipsius et capituli ac ecclesie Frisingensis procuratorem sic vt premittitur, cum plena et pacifica possessione ordinarie ac rite assignatos prenotati dominus Emcho venerabilis episcopus et capitulum ecclesie Frisingensis pro se et ecclesia sua per predictum Fridericum ipsius domini Emchonis Frisingensis episcopi notarium procuratorem eorum a predicto domino Nykolao procuratore nostro a nobis et ab ecclesia nostra Lauentina sub predicto anno domini millesimo trecentesimo oetauo, terciodecimo kalendis Februarii in villa Raedentein recuperauerunt, reabsoluerunt seu redimerunt pro quinquaginta marcis ponderati argenti secundum formam prenotate pronunciacionis, terminationis seu decisionis per predictos arbitratores facte ab eisdem domino Emchone venerabili episcopo et capitulo ecclesie Frisingensis tradite potestatis, ita videlicet quod pro qualibet marca reddituum sepefati dominus Emcho venerabilis episcopus et capitulum Frisingensis ecclesie sepedicte pro se et ecclesia sua omnibusque successoribus suis domino Nykolao procuratori nostro prelibato pro nobis et ecclesia nostra Lauentina per predictum Fridericum notarium procuratorem eorum dederunt et persoluerunt quinque marcas ponderati argenti ponderis Wiennensis et sic de predictis quinquaginta marcis ponderati argenti quas pro nobis et ecclesia nostra Lauentina recepimus predicto anno millesimo trecentesimo octauo, terciodecimo kalendis Februarii, sumus plene pagati et cum integritate debita expediti, profitentes quod predictus Fridericus notarius sancti Andree Frisinge canonicus sepefatorum domini Emchonis venerabilis episcopi et capituli ecclesie Frisingensis procurator nomine procuratorio generaliter omnia et singula que toti predicto negocio apta et congrua videbantur, ordinauit, seruauit, adimpleuit et plene fecit, forma prenotate diffinitionis, pronuntiationis seu arbitratorie decisionis per sepefatos arbitratores facte et rite ab utraque parte in omnibus et per omnia obseruata. In perhenne igitur testimonium omnium et quorumlibet premissorum sepedictis domino Emchoni venerabili episcopo et capitulo ecclesie Frisingensis ac eidem ecclesie Frisingensi presentes dedimus litteras nostrorum sigillorum robore communitas. Datum in Raedentein, anno et die prenotatis videlicet millesimo trecentesimo oetauo, terciodecimo kalendas Februarii.

Source Fulltext: ZAHN, Codex Diplomaticus (=FRA II/35, Wien 1871) S. 44-47