Emchen von Freisingen veraynet vnd bericht hat vmb seins gotshovs leut vnd guet vnd vmb ander gotshovser die zue seinem gotshovs ze Freysingen gehoerent, der hantfest abschrift wir vor gesehen vnd gehoert haben. Da von gebieten wir ev vestichleich vnd wellen, swie die selbe hantfest ste, daz ir nach dem dez selben gotshoses von Freysingen vnd sand Andres vnd Inichinger leut vnd guet an allen dingen behaltet vnd wider die hantfest yn chain lait noch beswerunge tuet. Der brief ist geben ze Inspruk nach Christes gewrt drevzehen hvndert iar vnd da nach in dem siben vnd zwainzigistem iar des Freytages vor sand Matheus tach des ewangelist.

Source Fulltext: ZAHN, Codex Diplomaticus (=FRA II/35, Wien 1871) S. 162-163